ನಿರ್ಣಾಯಕ 3ನೇ ಏಕದಿನ: ಕಿವೀಸ್‌ 243ಕ್ಕೆ ಆಲೌಟ್‌, ಶಮಿಗೆ 3 ವಿಕೆಟ್‌

ಬೇ ಓವಲ್‌, ನ್ಯೂಜೀಲ್ಯಾಂಡ್‌ : ಇಂದಿಲ್ಲಿ ನಡೆಯುತ್ತಿರುವ ಮೂರನೇ ಏಕದಿನ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಭಾರತ, ಆತಿಥೇಯ ನ್ಯೂಜೀಲ್ಯಾಂಡ್‌ ತಂಡವನ್ನು 49 ಓವರ್‌ಗಳಲ್ಲಿ 243 ರನ್‌ಗಳಿಗೆ ಆಲೌಟ್‌ ಮಾಡಿದೆ. 

ಭಾರತದ ವೇಗದ ಎಸೆಗಾರ ಮೊಹಮ್ಮದ್‌ ಶಮೀ ಮೂರು ವಿಕೆಟ್‌ ಕಿತ್ತರೆ, ಭುವನೇಶ್ವರ ಕುಮಾರ್‌, ಯಜುವೇಂದ್ರ ಚಾಹಲ್‌ ಮತ್ತು ಹಾರ್ದಿಕ್‌ ಪಾಂಡ್ಯ ತಲಾ ಎರಡು ವಿಕೆಟ್‌ ಕಿತ್ತರು. 

ಐದು ಪಂದ್ಯಗಳ ಈ ಸರಣಿಯಲ್ಲಿ ಭಾರತ ಈಗಾಗಲೇ 2-0 ಅಂತರದ ಮುನ್ನಡೆ ಸಾಧಿಸಿದ್ದು ಇಂದಿನ ಪಂದ್ಯವನ್ನು ಅದನ್ನು ಜಯಿಸಿದರೆ ಏಕದಿನ ಸರಣಿಯನ್ನು ಗೆದ್ದಂತಾಗುತ್ತದೆ.

ಅಂತೆಯೇ ಈ ಸರಣಿಯನ್ನು ಜೀವಂತ ಇರಿಸಲು ಆತಿಥೇಯ ನ್ಯೂಜೀಲ್ಯಾಂಡ್‌ಗೆ ಈ ಪಂದ್ಯ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ.