ನಿಂತಿದ್ದ ಬಸ್ಸಿಗೆ ಚಲಿಸುತ್ತಿದ್ದ ಬಸ್ಸು ಢಿಕ್ಕಿ: 38 ಮಂದಿಗೆ ಗಾಯ

ಫ‌ಗ್ವಾರಾ : ಇಲ್ಲಿನ ರಾಷ್ಟ್ರೀಯ ಹೆದ್ದಾರಿ ನಂಬರ್‌ 1ರಲ್ಲಿ ರಸ್ತೆ ಬದಿ ನಿಂತಿದ್ದ ಬಸ್ಸಿಗೆ ಹರಿದ್ವಾರಕ್ಕೆ ಹೋಗುತ್ತಿದ್ದ ಯಾತ್ರಿಗಳಿಂದ ತುಂಬಿದ್ದ ಬಸ್ಸು ಢಿಕ್ಕಿ ಹೊಡೆದ ಪ್ರಯುಕ್ತ 38 ಮಂದಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ. 

ಕಾಶ್ಮೀರದಲ್ಲಿನ ವೈಷ್ಣೋದೇವಿಗೆ ಪೂಜೆ ಸಲ್ಲಿಸಿದ ಬಳಿಕ ಯಾತ್ರಿಕರು ಹರಿದ್ವಾರಕ್ಕೆ ಹೋಗುತ್ತಿದ್ದರು. ಗಾಯಾಳು ಯಾತ್ರಿಕರೆಲ್ಲರೂ ಬಿಹಾರದ ಭಾಗಲ್ಪುರ ಜಿಲ್ಲೆಯವರಾಗಿದ್ದಾರೆ.

ಮೂಳೆ ಮುರಿತಕ್ಕೆ ಗುರಿಯಾಗಿರುವ ಬಸ್ಸಿನ ಚಾಲಕ ಗೌಂಡ್‌ ದಾಸ್‌ ಮತ್ತು ಕಂಡಕ್ಟರ್‌ ಜನಾರ್ದನ ಯಾದವ್‌ ಅವರನ್ನು  ಸ್ಥಳೀಯ ಸರಕಾರಿ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಪ್ರಭಾರ ಮೆಡಿಕಲ್‌ ಆಫೀಸರ್‌ ದವೀಂದರ್‌ ಸಿಂಗ್‌ ತಿಳಿಸಿದ್ದಾರೆ.