ಮೆಕ್ಕಾದಲ್ಲಿ ಭೀಕರ ಬಸ್ ಅಪಘಾತ: 35 ಜನ ಯಾತ್ರಾರ್ಥಿಗಳು ಸ್ಥಳದಲ್ಲೇ ಸಾವು

ರಿಯಾದ್: ಬಸ್ಸೊಂದು ಬೃಹತ್ ಗಾತ್ರದ ಯಂತ್ರವೊಂದಕ್ಕೆ ಗುದ್ದಿದ ಪರಿಣಾಮ 35 ವಿದೇಶಿಗರು ಸ್ಥಳದಲ್ಲೇ ಸಾವನ್ನಪ್ಪಿ  ನಾಲ್ವರು ಗಂಭೀರ ಗಾಯಗೊಂಡ ಘಟನೆ ಪಶ್ಚಿಮ ಸೌದಿ ಅರೇಬಿಯಾದಲ್ಲಿ ನಡೆದಿದೆ.

ಖಾಸಗಿ ಒಡೆತನದ ಬಸ್ಸು ಮತ್ತು  ಭಾರೀ ವಾಹನದ ನಡುವೆ ಮದಿನಾ ಪ್ರದೇಶದ ಅಲ್ ಅಕಲ್ ಕೇಂದ್ರದ ಬಳಿ ಅಪಘಾತ ಸಂಭವಿಸಿತ್ತು. ಪ್ರಯಾಣಿಕರೆಲ್ಲರೂ ಮುಸ್ಲಿಂರ ಪವಿತ್ರ ನಗರ ಮದಿನಾಕ್ಕೆ ಧಾರ್ಮಿಕ ಪ್ರವಾಸ ಕೈಗೊಂಡಿದ್ದರು.

ಬಸ್ ನಲ್ಲಿದ್ದವರು ಅರಬ್ ಮತ್ತು ಏಷ್ಯನ್ ಪ್ರಯಾಣಿಕರು ಎಂದು ತಿಳಿದುಬಂದಿದೆ.  ಗಾಯಗೊಂಡವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.