ಸೇನೆ ಹೆಸರಿನಲ್ಲಿ 3,367 ಗನ್‌ ಅಕ್ರಮ ಪರವಾನಿಗೆ

ಜೈಪುರ: ಸೇನೆ ಸಿಬಂದಿ ಹೆಸರಿನಲ್ಲಿ ಅಕ್ರಮವಾಗಿ 3,000ಕ್ಕೂ ಹೆಚ್ಚು ಗನ್‌ ಪರವಾನಿಗೆಗಳನ್ನು ಪಡೆದಿರುವ ಪ್ರಕರಣವನ್ನು ರಾಜಸ್ಥಾನದ ಭಯೋತ್ಪಾದನೆ ನಿಗ್ರಹ ದಳ (ಎಟಿಎಸ್‌) ಪತ್ತೆ ಹಚ್ಚಿದ್ದು, ಈ ಕುರಿತು ಪರಿಶೀಲನೆ ನಡೆಸುವಂತೆ ಸೇನೆಗೆ ತಿಳಿಸಲಾಗಿದೆ. ಕಳೆದ ನವೆಂಬರ್‌ನಲ್ಲಿ ಎಟಿಎಸ್‌ “ಜುಬೈದಾ’ ಹೆಸರಿನಲ್ಲಿ ಕಾರ್ಯಾಚರಣೆ ನಡೆಸಿ, ಅನುಮಾನಾಸ್ಪದವಾಗಿ ಗನ್‌ ಲೈಸೆನ್ಸ್‌ ಪಡೆದಿದ್ದ 52 ಮಂದಿಯನ್ನು ಬಂಧಿಸಿತ್ತು. ಈ ಪೈಕಿ 3,367 ಪರವಾನಿಗೆಗಳು ಸೇನೆಯ ಸಿಬಂದಿ ಹೆಸರಲ್ಲಿರುವುದು ಕಂಡುಬಂದಿದೆ.

ಕಳೆದ ಒಂದು ದಶಕದಿಂದ ಯಾವುದೇ ದಾಖಲೆಗಳು ಇಲ್ಲದೇ ವಿವಿಧ ಜಿಲ್ಲೆಗಳ ಡೆಪ್ಯುಟಿ ಕಮಿಷನರ್‌ಗಳಿಂದ ಪರವಾನಿಗೆ ಪಡೆಯಲಾಗಿದೆ ಎಂದೂ ತಿಳಿದುಬಂದಿದೆ.