ಕೈ ನಾಯಕನ ವಿರುದ್ಧ 32 ವರ್ಷ ಹಿಂದಿನ ಅತ್ಯಾಚಾರ ಕೇಸ್‌!

ಭೋಪಾಲ್: ಮಧ್ಯಪ್ರದೇಶದ ಕಾಂಗ್ರೆಸ್‌ ನಾಯಕ ಡಾ| ಹಮೀರ್‌ ಸಿಂಗ್‌ ರಾಥೋಡ್‌ ಎಂಬುವರ ವಿರುದ್ಧ ರಾಜಸ್ಥಾನದ ಉದಯಪುರದ ಮಹಿಳೆ ಅತ್ಯಾಚಾರದ ದೂರು ದಾಖಲಿಸಿದ್ದಾರೆ. 32 ವರ್ಷದ ಹಿಂದೆ ರಾಥೋಡ್‌ ತಮ್ಮ ಮೇಲೆ ಅತ್ಯಾಚಾರ ಎಸಗಿದ್ದಾಗಿ ಆರೋಪಿಸಿದ್ದಾರೆ. 1987ರಲ್ಲಿ ಮದುವೆ ಸಮಾರಂಭವೊಂದರಲ್ಲಿ ಪರಿಚಿತವಾದ ದೂರದ ಸಂಬಂಧಿ ರಾಥೋಡ್‌, ಒಮ್ಮೆ ತಾವು ಒಂಟಿಯಾಗಿ ಸಿಕ್ಕಾಗ ಅತ್ಯಾಚಾರ ಎಸಗಿದ್ದರು. ದೂರು ನೀಡದಂತೆ ಬೆದರಿಸಲಾಗಿತ್ತು, ಪ್ರಕರಣ ಮುಚ್ಚಿಹಾಕಲು ತಮಗೆ ತರಾತುರಿಯಲ್ಲಿ ಮದುವೆ ಮಾಡಲಾಗಿತ್ತು. ಈಗ, ಪತಿ ಈ ವಿಚಾರ ತಿಳಿದು ತನಗೆ ವಿಚ್ಛೇದನ ನೀಡಿದ್ದಾರೆ. ಹಾಗಾಗಿ, ಈಗ ಪ್ರಕರಣ ದಾಖಲಿಸುತ್ತಿರುವುದಾಗಿ ಅವರು ದೂರಿನಲ್ಲಿ ವಿವರಿಸಿದ್ದಾರೆ.