Israel-Hamas War: ಗಾಜಾ; 291 ರೋಗಿಗಳು ಅತಂತ್ರ!

ಖಾನ್‌ ಯೂನಿಸ್‌: ಇಸ್ರೇಲ್‌ ಸೇನೆಯು ಗಾಜಾದ ಪ್ರಮುಖ ಅಲ್‌ ಶಿಫಾ ಆಸ್ಪತ್ರೆಗೆ ನುಗ್ಗಿದ ಬೆನ್ನಲ್ಲೇ ಬಹುತೇಕ ವೈದ್ಯಕೀಯ ಸಿಬಂದಿ ಆಸ್ಪತ್ರೆ ತೊರೆದಿದ್ದು, ಈಗ ಚಿಂತಾ ಜನಕ ಸ್ಥಿತಿಯಲ್ಲಿರುವ 291 ರೋಗಿಗಳು ಆಸ್ಪತ್ರೆಯೊಳಗೆ ಅತಂತ್ರರಾಗಿದ್ದಾರೆ!

ರವಿವಾರ ಆಸ್ಪತ್ರೆಗೆ ಭೇಟಿ ನೀಡಿದ ವಿಶ್ವಸಂಸ್ಥೆಯ ತಂಡವು ಈ ವಿಚಾರವನ್ನು ತಿಳಿಸಿದೆ. ಅಲ್ಲಿನ ಪರಿಸ್ಥಿತಿ ಪರಿಶೀಲಿಸಿ ಮರಳಿದ ತಂಡವು, “ಆಸ್ಪತ್ರೆ ಸಿಬಂದಿಯೆಲ್ಲ ಹೊರಹೋದ ಮೇಲೆ ಅತಂತ್ರ ಸ್ಥಿತಿಯಲ್ಲಿದ್ದ 32 ಶಿಶುಗಳನ್ನು ಸ್ಥಳಾಂತರಿಸಲಾಗಿದೆ.

ಬೆನ್ನುಮೂಳೆ ಗಾಯದಿಂದ ದೇಹವನ್ನು ಅಲುಗಾಡಿಸಲು ಸಾಧ್ಯವಾಗದವರು ಸೇರಿ ಗಂಭೀರ ಸಮಸ್ಯೆಗಳಿಂದ ಬಳಲುತ್ತಿರುವ 291 ರೋಗಿಗಳು ಒಳಗಿದ್ದಾರೆ’ ಎಂದಿದೆ.