ಶ್ರೀನಗರ ಬೈ ಎಲೆಕ್ಷನ್‌:ಮತದಾನದ ವೇಳೆ ಹಿಂಸಾಚಾರ ;3 ಬಲಿ 

ಶ್ರೀನಗರ : ಶ್ರೀನಗರ ಲೋಕಸಭಾ ಕ್ಷೇತ್ರಕ್ಕೆ ಭಾನುವಾರ ಉಪಚುನಾವಣೆ ನಡೆಯುತ್ತಿದ್ದು, ಮತದಾನದ ವೇಳೆ ಹಿಂಸಾಚಾರ ಸಂಭವಿಸಿದ್ದು, ಭದ್ರತಾ ಪಡೆಗಳ ಗುಂಡಿಗೆ ಹಿಂಸಾ ನಿರತ ಮೂವರು ಯುವಕರು ಬಲಿಯಾಗಿ ಹಲವರು ಗಾಯಗೊಂಡಿರುವ ಬಗ್ಗೆ ವರದಿಯಾಗಿದೆ.

ಬುದ್ಗಾಮ್‌ನ ವಿವಿಧೆಡೆ ಯುವಕರು ಹಿಂಸೆಗಿಳಿದಿದ್ದು , ಈ ವೇಳೆ ಭದ್ರತಾ ಸಿಬಂದಿಗಳೊಂದಿಗೆ ಘರ್ಷಣೆ ನಡೆದಿದೆ. ಮತಗಟ್ಟೆಯ ಮೇಲೆ ಪೆಟ್ರೋಲ್‌ ಬಾಂಬ್‌ಗಳನ್ನು ಎಸೆದಿರುವ ಬಗ್ಗೆ ವರದಿಯಾಗಿದೆ.

ಮತದಾನದ ಹಿನ್ನಲೆಯಲ್ಲಿ  ಶ್ರೀನಗರ ಕ್ಷೇತ್ರದೆಲ್ಲೆಡೆ ಇಂಟರ್‌ನೆಟ್‌ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ.