ಮಿತಿ ಮೀರುತ್ತಿದೆ ಸೋಂಕು: ದೇಶದಲ್ಲಿ 24 ಗಂಟೆಯಲ್ಲಿ 3.49 ಲಕ್ಷ ಸೋಂಕಿತರು ಪತ್ತೆ

ಹೊಸದಿಲ್ಲಿ: ದೇಶದಲ್ಲಿ ಕೋವಿಡ್-19 ಸೋಂಕು ಮತ್ತಷ್ಟು ವೇಗವಾಗಿ ಹರಡುತ್ತಿದೆ.  ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆ  ಏರುಗತಿಯಲ್ಲಿ ಸಾಗುತ್ತಿದೆ. ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 3,49,691 ಜನರಿಗೆ ಕೋವಿಡ್ 19 ಸೋಂಕು ದೃಢವಾಗಿದೆ.

ಮಹಾರಾಷ್ಟ್ರ. ಕರ್ನಾಟಕ ಸೇರಿದಂತೆ ಕೇವಲ ಐದು  ರಾಜ್ಯಗಳಲ್ಲಿ ಶೇ.53 ರಷ್ಟು ಕೋವಿಡ್ ಸೋಂಕು ದೃಢವಾಗಿದೆ. ಮಹಾರಾಷ್ಟ್ರ ಒಂದರಲ್ಲೇ 19.21 ಶೇ ಕೋವಿಡ್ ಪ್ರಕರಣಗಳು ಪತ್ತೆಯಾಗಿದೆ.

ಮಹಾರಾಷ್ಟ್ರದಲ್ಲಿ 67,160, ಉತ್ತರ ಪ್ರದೇಶದಲ್ಲಿ 37,944, ಕರ್ನಾಟಕದಲ್ಲಿ 29,438, ಕೇರಳದಲ್ಲಿ 26,685 ಮತ್ತು ದಿಲ್ಲಿಯಲ್ಲಿ 24,103 ಹೊಸ ಕೋವಿಡ್ ಸೋಂಕು ಪ್ರಕರಣಗಳು ಪತ್ತೆಯಾಗಿದೆ.

ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 2,767 ಕೋವಿಡ್ ಸೋಂಕಿತರು ಮೃತಪಟ್ಟಿದ್ದಾರೆ. ಮಹಾರಾಷ್ಟ್ರದಲ್ಲಿ 676 ಮಂದಿ, ದಿಲ್ಲಿಯಲ್ಲಿ 357 ಮಂದಿ ಸೋಂಕಿತರು ಅಸುನೀಗಿದ್ದಾರೆ.