2ನೇ ತ್ತೈಮಾಸಿಕ ಜಿಡಿಪಿ ಚೇತರಿಕೆ

ಹೊಸದಿಲ್ಲಿ: ದೇಶದಲ್ಲಿ ಕೊರೊನಾ ಕಡಿಮೆಯಾಗುತ್ತಿರುವುದು ವಿತ್ತೀಯ ಚಟುವಟಿಕೆ ಮೇಲೆ ಧನಾತ್ಮಕ ಪರಿಣಾಮ ಬೀರಿದೆ.

ಈ ವಿತ್ತೀಯ ವರ್ಷದ 2ನೇ ತ್ತೈಮಾಸಿಕ, ಜುಲೈ-ಸೆಪ್ಟಂಬರ್‌ ಅವಧಿಯಲ್ಲಿ ಒಟ್ಟು ದೇಶಿಯ ಉತ್ಪನ್ನ (ಜಿಡಿಪಿ) ಶೇ.8.4ಕ್ಕೆ ಏರಿಕೆಯಾ ಗಿದೆ.

2021-22 ಆರ್ಥಿಕ ವರ್ಷ ದಲ್ಲಿ ದೇಶದ ಒಟ್ಟಾರೆ ಬೆಳವಣಿಗೆ ಶೇ.9.4ರಷ್ಟು ಏರುವ ನಿರೀಕ್ಷೆ ಇದೆ.

ಜೂನ್‌ನಲ್ಲಿ ನಿರೀಕ್ಷೆಯಂತೆ ಶೇ.20.1ರ ಏರಿಕೆ ದಾಖಲಾಗದಿದ್ದರೂ ಬೆಳವ ಣಿಗೆಯ ಪ್ರಮಾಣ ತೃಪ್ತಿಕರ ವಾಗಿದೆ ಮತ್ತು ಅರ್ಥ ವ್ಯವಸ್ಥೆಯ ಚಟುವಟಿಕೆಗಳು ಕೊರೊನಾಕ್ಕೂ ಮೊದಲ ಸ್ಥಿತಿಯತ್ತ ಸಾಗುತ್ತಿದೆ.

2020 -21ನೇ ಸಾಲಿನ 2ನೇ ತ್ತೈಮಾಸಿಕದಲ್ಲಿ ಜಿಡಿಪಿ ಪ್ರಮಾಣ ಮೈನ ಸ್‌ ಶೇ.7.4ಕ್ಕೆ ಕುಸಿದಿತ್ತು.

ಇದನ್ನೂ ಓದಿ:ಮಲ್ಯ ನ್ಯಾಯಾಂಗ ನಿಂದನೆ: ಜ.18ಕ್ಕೆ ಸುಪ್ರೀಂಕೋರ್ಟ್‌ ತೀರ್ಪು

ಕೃಷಿ, ಗಣಿಗಾರಿಕೆ, ಉತ್ಪಾದನ ಕ್ಷೇತ್ರ, ಇಂಧನ ಮತ್ತು ನೀರಿನ ಪೂರೈಕೆ, ಸಾರಿಗೆ, ದೂರಸಂಪರ್ಕ ಕ್ಷೇತ್ರ, ರಿಯಲ್‌ ಎಸ್ಟೇಟ್‌ ವಲಯಗಳಲ್ಲಿ ತೃಪ್ತಿದಾಯಕ ಪ್ರಗತಿಯಾಗಿದೆ ಎಂದು ಕೇಂದ್ರ ಸರಕಾರದ ರಾಷ್ಟ್ರೀಯ ಸಾಂಖ್ಯಿಕ ಸಂಸ್ಥೆ ಬಿಡುಗಡೆ ಮಾಡಿದ ದತ್ತಾಂಶಗಳಲ್ಲಿ ಉಲ್ಲೇಖಿಸಿದೆ.