2nd PUC Exam 2 Result: ವಾಗ್ದೇವಿ ಕಾಲೇಜಿನ ಅನನ್ಯಾಗೆ ರಾಜ್ಯಕ್ಕೆ 9ನೇ ರ‍್ಯಾಂಕ್‌

ತೀರ್ಥಹಳ್ಳಿ : ದ್ವಿತೀಯ ಪಿಯುಸಿ ಪರೀಕ್ಷೆ 2 ರ ವಿಜ್ಞಾನ ವಿಭಾಗದಲ್ಲಿ ತಾಲೂಕಿನ ವಾಗ್ದೇವಿ ಕಾಲೇಜಿನ ವಿದ್ಯಾರ್ಥಿನಿ ಅನನ್ಯಾ ಬಿ ಆರ್ 600ಕ್ಕೆ 590 ಅಂಕಗಳಿಸಿ ರಾಜ್ಯಕ್ಕೆ ಒಂಬತ್ತನೇ ರ‍್ಯಾಂಕ್‌ ಪಡೆದಿದ್ದಾರೆ. ಅನನ್ಯಾ ತೀರ್ಥಹಳ್ಳಿ ಸಮೀಪದ ಭಾರತೀಪುರದ ರಾಘವೇಂದ್ರ, ವಾಣಿ ದಂಪತಿಗಳ ಪುತ್ರಿ .

ಪ್ರತಿಷ್ಠಿತ ವಾಗ್ದೇವಿ ಕಾಲೇಜು ಈ ಬಾರಿ ಒಟ್ಟು ರಾಜ್ಯಕ್ಕೆ ಮೂರು ರ‍್ಯಾಂಕ್‌ ಪಡೆದಿದ್ದು ವಾಣಿಜ್ಯ ಹಾಗೂ ವಿಜ್ಞಾನ ಎರಡು ವಿಭಾಗದಲ್ಲಿ ಕೂಡ ರಾಜ್ಯಕ್ಕೆ ಆರನೇ ರ‍್ಯಾಂಕ್‌ ಹಾಗೂ ವಿಜ್ಞಾನ ವಿಭಾಗದಲ್ಲಿ ಒಂಬತ್ತನೇ ರ‍್ಯಾಂಕ್‌ ಪಡೆದಂತೆ ಆಗಿದೆ. ವಾಣಿಜ್ಯ ವಿಭಾಗದಲ್ಲಿ ಕೃತಿಕಾ ಹೆಬ್ಬಾರ್ ಆರನೇ ರ‍್ಯಾಂಕ್‌, ಹಾಗೂ ವಿಜ್ಞಾನ ವಿಭಾಗದಲ್ಲಿ ಸುಚಿಂತ್ ಆರನೇ ರ‍್ಯಾಂಕ್‌ ಪಡೆದಿದ್ದರು.