29 ಉಪಗ್ರಹ ಉಡಾವಣೆ ಮಾಡಲಿರುವ ಇಸ್ರೋ

ನವದೆಹಲಿ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಏಪ್ರಿಲ್‌ 1 ರಂದು 29 ಉಪಗ್ರಹಗಳನ್ನು ಶ್ರೀಹರಿಕೋಟದಿಂದ ಉಡಾವಣೆ ಮಾಡಲಿದೆ. ಅಮೆರಿಕ ಹಾಗೂ ಸ್ಪೇನ್‌ನ ಉಪಗ್ರಹಗಳೂ ಇದರಲ್ಲಿ ಸೇರಿವೆ. ಮಾರ್ಚ್‌ 21 ಕ್ಕೆ ಉಡಾವಣೆ ಮಾಡಲು ನಿರ್ಧರಿಸಲಾಗಿತ್ತಾದರೂ, ಹವಾಮಾನ ವೈಪರೀತ್ಯದಿಂದಾಗಿ ಏಪ್ರಿಲ್‌ 1ಕ್ಕೆ ಮುಂದೂಡಲಾಗಿದೆ.

ಇಸ್ರೋದ ಮಿನಿ ಸ್ಯಾಟಲೈಟ್‌- 2 ಮಾದರಿಯಲ್ಲಿ ಅಭಿವೃದ್ಧಿಪಡಿಸಲಾಗಿರುವ ಎಮಿಸ್ಯಾಟ್‌ 436 ಕಿಲೋ ಇದ್ದು, ಇದು ಎಲೆಕ್ಟ್ರೋಮ್ಯಾಗ್ನೆಟಿಕ್‌ ತರಂಗಾಂತರಗಳನ್ನು ಅಳೆಯಲು ನೆರವಾಗಲಿದೆ. ಉಳಿದಂತೆ ಲಿಥುವೇನಿಯಾ, ಸ್ಪೇನ್‌, ಸ್ವಿಜರ್ಲೆಂಡ್‌ ಮತ್ತು ಅಮೆರಿಕದ ಉಪಗ್ರಗಳನ್ನು ಇಸ್ರೋದ ವಾಣಿಜ್ಯ ಒಪ್ಪಂದದ ಅಡಿಯಲ್ಲಿ ಕಕ್ಷೆಗೆ ಸೇರಿಸಲಾಗುತ್ತಿದೆ.