Lottery: 2,800 ಕೋಟಿ ರೂ. ಲಾಟರಿ ದುಡ್ಡು ಕೊಡಿಸಿ… ಕೋರ್ಟ್‌ಗೆ ಗ್ರಾಹಕ ಮೊರೆ

ವಾಷಿಂಗ್ಟನ್‌: 2,800 ಕೋಟಿ ರೂ. ಲಾಟರಿ ಗೆದ್ದಿದ್ದ ಗ್ರಾಹಕರೊಬ್ಬರಿಗೆ “ಲಾಟರಿ ಸಂಖ್ಯೆ ತಪ್ಪಾಗಿ ಮುದ್ರಿತವಾಗಿದೆ ಅಷ್ಟೇ, ನೀವು ಗೆದ್ದಿಲ್ಲ’ ಎಂದು ಸಬೂಬು ನೀಡಿದ್ದ ಲಾಟರಿ ಸಂಸ್ಥೆ ವಿರುದ್ಧ ಗ್ರಾಹಕ ಪ್ರಕರಣ ದಾಖಲಿಸಿರುವ ಘಟನೆ ಅಮೆರಿಕದ ವಾಷಿಂಗ್ಟನ್‌ ಡಿ.ಸಿ.ಯಲ್ಲಿ ವರದಿಯಾಗಿದೆ.

ಜಾನ್‌ ಚೀಕ್ಸ್‌ ಎಂಬವರು 2023ರ ಜ.6ರಂದು ಪವರ್‌ಬಾಲ್‌ ಹಾಗೂ ಡಿ.ಸಿ.ಲಾಟರಿ ಸಂಸ್ಥೆಯಿಂದ ಲಾಟರಿ ಖರೀದಿಸಿದ್ದರು. ಆದರೆ, ಮರುದಿನ ವಿಜೇತರ ಸಂಖ್ಯೆಯಲ್ಲಿ ಆ ಚೀಟಿಯ ಸಂಖ್ಯೆ ಇರಲಿಲ್ಲ. 2 ದಿನಗಳ ಬಳಿಕ ನೋಡಿದಾಗ ಲಾಟರಿ ಸಂಖ್ಯೆ ಇರುವುದು ಕಂಡು ಬಂದಿದೆ. ಜಾನ್‌ ಸಂಸ್ಥೆಯನ್ನು ಸಂಪರ್ಕಿಸಿ ಗೆದ್ದಿರುವ ಹಣ ಕೇಳಿದರೆ, ಸಂಸ್ಥೆಯವರು ಸಂಖ್ಯೆ ತಪ್ಪಾಗಿ ಮುದ್ರಿತವಾಗಿ ಹಣ ನೀಡಲು ಸಾಧ್ಯವಿಲ್ಲ ಎಂದಿದ್ದಾರೆ.

ಈ ಹಿನ್ನೆಲೆಯಲ್ಲಿ ಜಾನ್‌ ಈಗ ತಾವು ಗೆದ್ದಿದ್ದ ಲಾಟರಿ ಮೊತ್ತ ಹಾಗೂ ಅದರ ಬಡ್ಡಿಯೂ ಸೇರಿ 2,800 ಕೋಟಿ ರೂ. ತನಗೆ ಬರಬೇಕು ಎಂದು ದಾವೆ ಹೂಡಿದ್ದಾರೆ.