ಶಂಕಿತ ವಿಷಾಹಾರ : ರಾಜಸ್ಥಾನ ಗೋಶಾಲೆಯಲ್ಲಿ 28 ದನಗಳ ಸಾವು

ಜೈಪುರ : ರಾಜಸ್ಥಾನದ ಹನುಮಾನ್‌ಗಢ ಜಿಲ್ಲೆಯ ಗೋಶಾಲೆಯಲ್ಲಿ  ಕಳೆದ ಎರಡು ದಿನಗಳಲ್ಲಿ ಶಂಕಿತ ವಿಷಾಹಾರ ಸೇವನೆಯಿಂದ ಕನಿಷ್ಠ 28 ದನಗಳು ಸತ್ತಿರುವುದಾಗಿ ವರದಿಯಾಗಿದೆ. 

ಶಂಕಿತ ವಿಷಾಹಾರ ಸೇವನೆಯಿಂದ ಸುಮಾರು 300 ದನಗಳು ಅಸ್ವಸ್ಥವಾಗಿದ್ದವು. ಈ ಪೈಕಿ 28 ದನಗಳು ಕಳೆದ ಎರಡು ದಿನಗಳಲ್ಲಿ ಮೃತಪಟ್ಟವು ಎಂದು ಗೋಶಾಲೆಯ ಅಧ್ಯಕ್ಷ ದಯಾನಂದ ಖೋಖೇವಾಲ ತಿಳಿಸಿದ್ದಾರೆ. ಪ್ರತಿಷ್ಠಾನ ನಡೆಸುತ್ತಿರುವ ಈ ಗೋಶಾಲೆಯಲ್ಲಿ ಸುಮಾರು 2,000 ದನಗಳು ಇವೆ. 

ಪಶು ವೈದ್ಯರ ತಂಡವೊಂದು ಗೋಶಾಲೆಯಲ್ಲಿನ ದನಗಳ ಆರೋಗ್ಯ ತಪಾಸಣೆಯಲ್ಲಿ ನಿರತವಾಗಿದೆ ಮತ್ತು ಅಲ್ಲಿನ ಪರಿಸ್ಥಿತಿಯನ್ನುಅವಲೋಕಿಸುತ್ತಿದೆ ಎಂದು ಪಶುಸಂಗೋಪನೆ ಇಲಾಖೆಯ ಜಂಟಿ ನಿರ್ದೇಶಕ ಮದನ್‌ಲಾಲ್‌ ತಿಳಿಸಿದ್ದಾರೆ.