ರಾಷ್ಟ್ರೀಯ ಉದ್ಯಾನದಿಂದ 26 ಹುಲಿಗಳ “ಎಸ್ಕೇಪ್‌’

ಜೈಪುರ: ರಾಜಸ್ಥಾನದ ರಥಂಭೋರ್‌ ರಾಷ್ಟ್ರೀಯ ಉದ್ಯಾನದಲ್ಲಿ 26 ಹುಲಿಗಳು ಕಾಣಿಸುತ್ತಿಲ್ಲ ಎಂದು ನ್ಯಾಶನಲ್‌ ಟೈಗರ್‌ ಕನ್ಸರ್‌ವೇಟಿವ್‌ ಅಥಾರಿಟಿ (ಎನ್‌ಟಿಸಿಎ) ಹೇಳಿದೆ. ಈ ಸಂಬಂಧ ಕೇಂದ್ರ ಪರಿಸರ ಸಚಿವರಿಗೆ ಪತ್ರಬರೆದಿರುವ (ಎನ್‌ಟಿಸಿಎ) ನ ಸದಸ್ಯೆ ದಿಯಾ ಕುಮಾರಿ ಅವರುಈ ಈ ಘಟನೆಗೆ ಸಂಬಂಧಿಸಿದಂತೆ ಉನ್ನತ ಮಟ್ಟದ ತನಿಖೆ ನಡೆಸಬೇಕು ಎಂದು ಹೇಳಿದ್ದಾರೆ.

ಕೇಂದ್ರ ಸಚಿವರಿಗೆ ಬರೆದ ಪತ್ರದಲ್ಲಿ ದಿಯಾ ಅವರು 26 ಹುಲಿಗಳು ಉದ್ಯಾನದಿಂದ ಕಾಣೆಯಾಗಿವೆ. ಎಲ್ಲೂ ಸುಳಿವು ದೊರೆಯುತ್ತಿಲ್ಲ ಎಂದಿದ್ದಾರೆ. ಇದಕ್ಕೆ ಉದ್ಯಾನದ ಅಧಿಕಾರಗಳ ನಿರ್ಲಕ್ಷ್ಯ ಕಾರಣ ಎಂದು ಹೇಳಿರುವ ಅವರು, ಪ್ರತಿ ಉದ್ಯಾನದಲ್ಲಿ ಅಧಿಕಾರಿಗಳು ಪ್ರಾಣಿಗಳ ಸಂಖ್ಯೆಯನ್ನು ಹೆಚ್ಚಸುವತ್ತ ಗಮನ ಹರಿಸಿದರೆ ಇಲ್ಲಿ ಮಾತ್ರ ಇದ್ದ ಪ್ರಾಣಿಗಳನ್ನು ಕಳೆದುಕೊಳ್ಳುವತ್ತ ಹೆಚ್ಚು ಆಕರ್ಷಿತರಾಗಿರುವಂತೆ ಕಂಡುಬರುತ್ತಿದೆ ಎಂದಿದ್ದಾರೆ.ಇದು ಮಾಧೋಪುರ್‌ನ ಸವಾಯಿ ಜಿಲ್ಲೆಯಲ್ಲಿರುವ ರಾಷ್ಟ್ರೀಯ ಉದ್ಯಾನವಾಗಿದೆ.

ರಾಜಸ್ಥಾನ ಅಸೆಂಬ್ಲಿಯಲ್ಲಿ ಆ ಭಾಗದ ಬಿಜೆಪಿ ಸದಸ್ಯ ಚಂದ್ರಾಭರಣ್‌ ಸಿಂಗ್‌ ಅವರು ಶೂನ್ಯ ವೇಳೆಯಲ್ಲಿ ಈ ವಿಷಯ ಪ್ರಸ್ತಾಪಿಸಿದ್ದರು. ಇದಾದ ಬಳಿಕ ಈ ವಿದ್ಯಮಾನ ನಡೆದಿದೆ.