26 Rafale ಖರೀದಿಗೆ ನಾಳೆ ಭಾರತ, ಫ್ರಾನ್ಸ್‌ ಮಾತುಕತೆ

ಹೊಸದಿಲ್ಲಿ: ಐಎಎಫ್ಗೆ ರಫೇಲ್‌ ಯುದ್ಧ ವಿಮಾನ ಖರೀದಿ ಬಳಿಕ ಭಾರತೀಯ ನೌಕಾಪಡೆಗಾಗಿ 50,000 ಕೋಟಿ ರೂ. ಮೌಲ್ಯದ 26 ರಫೇಲ್‌ ಯುದ್ಧ ಖರೀದಿಗೆ ಭಾರತ ಹಾಗೂ ಫ್ರಾನ್ಸ್‌ ಮೇ 30ರಂದು ಮಾತುಕತೆ ಆರಂಭಿಸಲಿವೆ. ಹೊಸದಿಲ್ಲಿ ಯಲ್ಲಿ ಮಾತುಕತೆ ನಡೆಯಲಿದೆ. ಭಾರತೀಯ ನೌಕಾಪಡೆಗೆ ನಿಯೋಜನೆ ಮಾಡಲು ಈ ಯುದ್ಧ ವಿಮಾನಗಳನ್ನು ಖರೀದಿ ಮಾಡಲಾಗುತ್ತಿದೆ. ಈ ವರ್ಷಾಂತ್ಯದ ವರೆಗೆ ಮಾತುಕತೆ ನಡೆ ಯಲಿದ್ದು, ಕೊನೆಯಲ್ಲಿ ಒಪ್ಪಂದಕ್ಕೆ ಸಹಿ ಹಾಕುವ ಸಾಧ್ಯತೆಗಳಿವೆ ಎಂದು ರಕ್ಷಣ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.