ಹೊಸದಿಲ್ಲಿ: 1901ರಿಂದೀಚೆಗಿನ ಲೆಕ್ಕಾಚಾರದ ಪ್ರಕಾರ, ಭಾರತದಲ್ಲಿ 2018ನೇ ವರ್ಷವು ಹೆಚ್ಚು ಸರಾಸರಿ ತಾಪಮಾನದ ವರ್ಷವಾಗಿದೆ. ಗಮನಾರ್ಹ ಅಂಶವೆಂದರೆ ಆ ವರ್ಷದ ಬಳಿಕ ಇದು 6ನೇ ಅತ್ಯಂತ ಉಷ್ಣದ ವರ್ಷವಾಗಿದೆ. ಈ ರೀತಿಯ ಹವಾಮಾನ ಬದಲಾ ವಣೆಯ ಪರಿಣಾಮ, ಭಾರತದಲ್ಲಿ 1,428 ಜನ ಸಾವನ್ನಪ್ಪಿ ದ್ದಾರೆ ಎಂದು ಹವಾಮಾನ ಇಲಾಖೆ (ಐಎಂಡಿ) ತಿಳಿಸಿದೆ. ಜನವರಿ-ಫೆಬ್ರವರಿಯಲ್ಲಿ ಭಾರತಕ್ಕೆ ಚಳಿಗಾಲದ ಉತ್ತುಂಗ ಸ್ಥಿತಿ ಇರುತ್ತದೆ. ಆದರೆ, “”2018ರ ಈ ಅವಧಿಯಲ್ಲಿ ಸರಾಸರಿ ತಾಪಮಾನಕ್ಕಿಂತ +0.59 ಡಿಗ್ರಿ ಸೆಲ್ಸಿಯಸ್‌ ಹೆಚ್ಚಿನ ಉಷ್ಣಾಂಶವಿತ್ತು. 1901ರಿಂದೀಚೆಗಿನ ದಾಖಲೆಗಳ ಪ್ರಕಾರ, ಚಳಿಗಾಲದಲ್ಲಿ ಸರಾಸರಿ ಉಷ್ಣಾಂಶ ಹೀಗೆ ಏರಿಕೆಯಾಗಿದ್ದು 6ನೇ ಬಾರಿಯಾಗಿದ್ದು, ಈ ರೀತಿ ಉಷ್ಣಾಂಶ ಹೆಚ್ಚಾಗಲು, ಜಾಗತಿಕ ತಾಪಮಾನವೇ ಕಾರಣ” ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಜಾಗತಿಕ ತಾಪಮಾನ ಹೆಚ್ಚಳದಿಂದಾಗಿ, 2004ರಿಂದ 2018ರವರೆಗಿನ ಎಲ್ಲಾ ವರ್ಷಗಳಲ್ಲೂ ಸರಾಸರಿ ಉಷ್ಣಾಂಶ ಹೆಚ್ಚಾಗಿದೆ. ಅದರಲ್ಲೂ 2018ರ ಉಷ್ಣಾಂಶ 117 ವರ್ಷಗಳಲ್ಲಿ ಹೊಸ ದಾಖಲೆ ಬರೆದಿದೆ ಎಂದು ಐಎಂಡಿ ಹೇಳಿದೆ.
