ಕೋಟೇಶ್ವರ ಪರಿಸರದಲ್ಲಿ 200 ರೂ. ಜೆರಾಕ್ಸ್‌ ನೋಟುಗಳ ಹಾವಳಿ

ಕೋಟೇಶ್ವರ: ಕಳೆದ ಕೆಲವು ದಿನಗಳಿಂದ ಕೋಟೇಶ್ವರ ಪರಿಸರದಲ್ಲಿ ಜೆರಾಕ್ಸ್‌ ನೋಟುಗಳ ಹಾವಳಿ ಹೆಚ್ಚುತ್ತಿದ್ದು ಕೂಲಿ ಕಾರ್ಮಿಕರು ಸಹಿತ ಗ್ರಾಮೀಣ ಪ್ರದೇಶದ ಮಂದಿ ಈ ಬಗ್ಗೆ ತಿಳಿವಳಿಕೆ ಇಲ್ಲದೆ ವಂಚನೆಗೊಳಗಾಗಿ ಬಳಿಕ ಹಿಡಿ ಶಾಪ ಹಾಕುತ್ತಿರುವುದು ಕಂಡು ಬಂದಿದೆ.

ಸಂಜೆ ವೇಳೆ ಅಂಗಡಿ ಮುಂಗಟ್ಟು ಗಳಿಗೆ ತೆರಳಿ ಅವಕಾಶ ನೋಡಿ ವ್ಯವಹಾರಿಗಳಂತೆ ವರ್ತಿಸಿ ನಕಲಿ ನೋಟನ್ನು ಚಲಾವಣೆ ಮಾಡಿ ವ್ಯವಹಾರ ಕುದುರಿಸುವ ದಂಧೆ ನಡೆಯುತ್ತಿದೆ. ಈ ಬಗ್ಗೆ ಜನರು ಜಗೃತರಾಗಬೇಕು ಎಂದು ವಂಚನೆಗೊಳಗಾದವರು ಉದಯವಾಣಿಯೊಂದಿಗೆ ಮಾತನಾಡಿ ತಮ್ಮ ನೋವನ್ನು ಹಂಚಿ ಕೊಂಡಿದ್ದಾರೆ.