ಟಿ.ವಿ. ಮೈಮೇಲೆ ಬಿದ್ದು 2 ವರ್ಷದ ಮಗು ಸಾವು

ಕಾಸರಗೋಡು: ಆಟವಾಡುತ್ತಿದ್ದಾಗ ಟಿ.ವಿ. ಮೈಮೇಲೆ ಬಿದ್ದು 2 ವರ್ಷದ ಮಗು ಸಾವಿಗೀಡಾದ ಘಟನೆ ಬುಧವಾರ ಬೋವಿಕ್ಕಾನದಲ್ಲಿ ಸಂಭವಿಸಿದೆ. ದುಬಾೖಯಲ್ಲಿ ಉದ್ಯೋಗಿ ಯಾಗಿರುವ, ತೆಕ್ಕಿಲ್‌ ಉಕ್ರಂಪಾಡಿಯ ನಿಸಾರ್‌ ಅವರ ಏಕಮಾತ್ರ ಪುತ್ರ ಮುಹಮ್ಮದ್‌ ಸಾಕಿರ್‌ ಮೃತಪಟ್ಟಿರುವ ಮಗು.

ಪಳ್ಳಿಕ್ಕಾಲ್‌ನ ಮನೆಯಲ್ಲಿ ಇತರ ಮಕ್ಕಳೊಂದಿಗೆ ಆಟ ಆಡುತ್ತಿದ್ದಾಗ ಸಾಕಿರ್‌ ಟಿ.ವಿ.ಯ ಸ್ಟಾಂಡ್‌ ಅನ್ನು ಬಲವಾಗಿ ಆಡಿಸಿದ್ದು, ಆಗ ಸ್ಟಾಂಡ್‌ ಸಮೇತ ಟಿ.ವಿ. ಮಗುವಿನ ಮೈಮೇಲೆ ಬಿದ್ದು ಗಾಯಗೊಂಡಿತು. ತತ್‌ಕ್ಷಣವೇ ಕಾಸರಗೋಡು ಆಸ್ಪತ್ರೆಗೆ ಕೊಂಡೊಯ್ದರೂ ರಕ್ಷಿಸಲು ಸಾಧ್ಯವಾಗಲಿಲ್ಲ. ತಲೆಗೆ ಗಂಭೀರ ಏಟು ತಗಲಿದ ಕಾರಣ ಮಗು ಮೃತಪಟ್ಟಿದೆ ಎಂದು ವೈದ್ಯರು ತಿಳಿಸಿದ್ದಾರೆ.