ಮಹಾರಾಷ್ಟ್ರದಲ್ಲಿ ಇಬ್ಬರು ನಕ್ಸಲರ ಬಂಧನ

ಮುಂಬೈ: ಮಹಾರಾಷ್ಟ್ರದ ಗಡ್ಚಿರೋಲಿ ಜಿಲ್ಲಾ ಪೊಲೀಸರು ಶುಕ್ರವಾರ ಇಬ್ಬರು ನಕ್ಸಲರನ್ನು ಬಂಧಿಸಿದ್ದಾರೆ.

ಈ ಇಬ್ಬರ ಸುಳಿವು ನೀಡಿದಲ್ಲಿ ಒಟ್ಟು 10 ಲಕ್ಷ ರೂ. ನಗದನ್ನು ಘೋಷಿಸಲಾಗಿತ್ತು. ಇಬ್ಬರೂ ಗಡ್ಚಿರೋಲಿ ಜಿಲ್ಲೆಯ ಧನೋರಾ ಗ್ರಾಮಕ್ಕೆ ಸೇರಿದ್ದಾರೆ.

ಈ ಪೈಕಿ ಶನಿರಾಮ್‌ ಅಲಿಯಾಸ್‌ ಶಂಕರ್‌ ತಲೆಯ ಮೇಲೆ 8 ಲಕ್ಷ ರೂ., ಸಮುರಾಮ್‌ ಅಲಿಯಾಸ್‌ ಸೂರ್ಯಘೇಸನ್‌ ನರೋಟೆ ತಲೆ ಮೇಲೆ 2 ಲಕ್ಷ ರೂ. ಘೋಷಿಸಲಾಗಿತ್ತು.

ಮಹಾರಾಷ್ಟ್ರದ ನಕ್ಸಲ್‌ ನಿಗ್ರಹ ಪಡೆ, ಇಬ್ಬರನ್ನೂ ಧನೋರಾದ ಸಾವರ್‌ಗಾಂವ್‌ ಪ್ರದೇಶದಲ್ಲಿ ಸೆರೆಹಿಡಿದಿದೆ. ಇಬ್ಬರ ಮೇಲೆ ಕೊಲೆ, ದರೋಡೆ, ಪೊಲೀಸರ ಮೇಲೆ ಗುಂಡು ಹಾರಿಸಿರುವುದು ಸೇರಿ ಹಲವು ಪ್ರಕರಣಗಳಿವೆ.