ಮಂಜೂಷಾ ವಾಹನ ಸಂಗ್ರಹಾಲಯಕ್ಕೆ 2 ಡಬಲ್‌ ಡೆಕ್ಕರ್‌ ಬಸ್‌ ಸೇರ್ಪಡೆ

ಬೆಳ್ತಂಗಡಿ: ಧರ್ಮಸ್ಥಳದಲ್ಲಿರುವ ಮಂಜೂಷಾ ವಾಹನ ಸಂಗ್ರಹಾಲಯಕ್ಕೆ ಮುಂಬಯಿಯಲ್ಲಿರುವ ಭಕ್ತರು ಸಂಗ್ರಹಿಸಿ ಕಳುಹಿಸಿದ ಎರಡು ಡಬಲ್‌ ಡೆಕ್ಕರ್‌ ಬಸ್‌ಗಳು ಸೇರ್ಪಡೆಯಾಗಲಿವೆ.

ಮುಂಬಯಿಯಿಂದ ಧರ್ಮಸ್ಥಳಕ್ಕೆ ಡಬಲ್‌ ಡೆಕ್ಕರ್‌ ಬಸ್‌ಗಳ ಸಾಗಾಟವನ್ನು ಖಾಸಗಿ ಲಾಜಿಸ್ಟಿಕ್‌ ಸಂಸ್ಥೆ ಉಚಿತವಾಗಿ ಕಲ್ಪಿಸಿದೆ. ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆ ಅವರ ಮಾರ್ಗದರ್ಶನದಂತೆ ಎರಡು ಬಸ್‌ಗಳ ಚಾಲನಾ ಸುಸ್ಥಿತಿಗೆ ತಂದು ಸಂಗ್ರಹಾಲಯದಲ್ಲಿ ಇರಿಸುವ ಕೆಲಸ ನಡೆದಿದೆ.

ಧರ್ಮಸ್ಥಳ ವಸ್ತು ಸಂಗ್ರಹಾಲಯವು ಪ್ರಾಚೀನ ವಸ್ತುಗಳು, ವರ್ಣಚಿತ್ರಗಳು, ಕಲಾಕೃತಿಗಳು, ದೇವಾಲಯದ ರಥಗಳು ಸೇರಿದಂತೆ ವಿಂಟೇಜ್‌ ಮತ್ತು ಕ್ಲಾಸಿಕ್‌ ಕಾರುಗಳ ಉತ್ತಮ ಸಂಗ್ರಹಾಲಯವಾಗಿದೆ. ಸುಮಾರು 8,000 ಕಲಾಕೃತಿಗಳು ಈ ಸಂಗ್ರಹಾಲಯದಲ್ಲಿವೆ.