ತಾಲಿಬಾನ್‌ ದಾಳಿಗೆ 19 ಬಲಿ

ಕಂದಹಾರ್‌: ದಕ್ಷಿಣ ಅಫ್ಘಾನಿಸ್ಥಾನದಲ್ಲಿ ತಾಲಿಬಾನ್‌ ಬಾಂಬರ್‌ಗಳು ರವಿವಾರ ನಡೆಸಿದ ದಾಳಿಗೆ 8 ಮಂದಿ ಚುನಾವಣಾ ಸಿಬಂದಿ ಸೇರಿದಂತೆ ಕನಿಷ್ಠ 19 ಮಂದಿ ಬಲಿಯಾಗಿದ್ದಾರೆ. ಅಫ್ಘಾನಿಸ್ಥಾನದಲ್ಲಿನ 18 ವರ್ಷಗಳ ಯುದ್ಧಕ್ಕೆ ಅಂತ್ಯ ಹಾಡುವ ನಿಟ್ಟಿನಲ್ಲಿ ಅಮೆರಿಕ ಹಾಗೂ ತಾಲಿಬಾನ್‌ ಉಗ್ರರ ನಡುವೆ ಕತಾರ್‌ನಲ್ಲಿ ಮತ್ತೂಂದು ಸುತ್ತಿನ ಮಾತುಕತೆ ನಡೆಯುತ್ತಿರುವಂತೆಯೇ ಈ ದಾಳಿ ನಡೆದಿದೆ. ಸ್ಫೋಟಕಗಳು ತುಂಬಿದ್ದ ನಾಲ್ಕು ವಾಹನಗಳನ್ನು ಉಗ್ರರು ಮಾರುಫ್ ಜಿಲ್ಲೆಯ ಸರಕಾರಿ ಕಟ್ಟಡವೊಂದಕ್ಕೆ ಡಿಕ್ಕಿ ಹೊಡೆಸಿದ್ದಾರೆ. ಘಟನೆಯಲ್ಲಿ ಮೃತಪಟ್ಟ 19 ಮಂದಿಯ ಪೈಕಿ 11 ಪೊಲೀಸ್‌ ಸಿಬಂದಿಯೂ ಸೇರಿದ್ದಾರೆ.