ಪಟ್ನಾ: ಸಂಕ್ರಾಂತಿ ದೋಣಿ ದುರಂತಕ್ಕೆ 24 ಬಲಿ

ಪಟ್ನಾ: ಸುಮಾರು 40 ಜನರಿದ್ದ ದೋಣಿಯೊಂದು ಗಂಗಾ ನದಿಯಲ್ಲಿ ಮುಳುಗಿದ ಪರಿಣಾಮ 24 ಮಂದಿ ಸಾವನ್ನಪ್ಪಿರುವ ಘಟನೆ ಪಟ್ನಾದಲ್ಲಿ ಶನಿವಾರ ಸಂಜೆ ಸಂಭವಿಸಿದೆ. 

ಮಕರ ಸಂಕ್ರಾಂತಿ ನಿಮಿತ್ತ ಗಂಗಾನದಿಯ ದಂಡೆಯ ಮೇಲೆ ಆಯೋಜಿಸಿದ್ದ ಗಾಳಿಪಟ ಉತ್ಸವ ವೀಕ್ಷಿಸಿ ದೋಣಿಯಲ್ಲಿ ಬರುತ್ತಿದ್ದ ವೇಳೆ ನ್ಯಾಶನಲ್‌ ಇನ್ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ (ಎನ್‌ಐಟಿ) ಘಾಟ್‌ ಸಮೀಪ ದೋಣಿ ಮಗುಚಿ ದುರಂತ ಸಂಭವಿಸಿದೆ. ಘಟನೆಯಲ್ಲಿ 10 ಮಂದಿ ಗಾಯಗೊಂಡಿದ್ದು ಅವರನ್ನು ಪಟ್ನಾ ವೈದ್ಯ ಕಾಲೇಜಿಗೆ ದಾಖಲು ಮಾಡ ಲಾಗಿದೆ. ಹಲವು ಮಂದಿ ನಾಪತ್ತೆ ಯಾಗಿದ್ದು, ಮೃತರ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ.

ಪ್ರಧಾನಿ ನರೇಂದ್ರಮೋದಿ ದುರ್ಘ‌ಟನೆಯ ಕುರಿತು ತೀವ್ರ ದಿಗ್ಭ್ರಮೆ ವ್ಯಕ್ತಪಡಿಸಿದ್ದು, ಮೃತರ ಕುಟುಂಬಗಳಿಗೆ ತಲಾ 2 ಲಕ್ಷ ರಾಪಾಯಿ ಪರಿಹಾರ ಘೋಷಿಸಿದ್ದಾರೆ.