Fraud Case ಫೆಡೆಕ್ಸ್‌ ಪಾರ್ಸೆಲ್‌ ಹೆಸರಿನಲ್ಲಿ 18 ಲ.ರೂ. ವಂಚನೆ

ಮಂಗಳೂರು: ಫೆಡೆಕ್ಸ್‌ ಪಾರ್ಸೆಲ್‌ ಹೆಸರಿನಲ್ಲಿ ವಂಚಿಸಿರುವ ಪ್ರಕರಣ ನಡೆದಿದೆ.

ದೂರುದಾರರಿಗೆ ಕರೆ ಮಾಡಿದ ಅಪರಿಚಿತ ವ್ಯಕ್ತಿ ಫೆಡೆಕ್ಸ್‌ನಿಂದ ಕರೆ ಮಾಡುವುದಾಗಿ ತಿಳಿಸಿದ್ದ. ಪಾರ್ಸೆಲ್‌ ರಿಜೆಕ್ಟ್ ಆಗಿದೆ. ಹೆಚ್ಚಿನ ಮಾಹಿತಿಗೆ ನಂಬರ್‌ 1ನ್ನು ಒತ್ತುವಂತೆ ಸೂಚಿಸಿದ.

ದೂರುದಾರರು 1ನ್ನು ಒತ್ತಿದಾಗ ಕರೆ ಸ್ವೀಕರಿಸಿದಾತ ಅನುರಾಗ್‌ ಟೋಮರ್‌ ಎಂದು ಪರಿಚಯಿಸಿಕೊಂಡು ಪಾರ್ಸೆ ಲ್‌ನಲ್ಲಿ ಪಾಸ್‌ಪೋರ್ಟ್‌, ಬಟ್ಟೆ, ಕ್ರೆಡಿಟ್‌ ಕಾರ್ಡ್‌, ಡ್ರಗ್ಸ್‌ ಇದೆ. ಕರೆ ಯನ್ನು ಮುಂಬಯಿ ಕ್ರೈಂ ಬ್ರಾಂಚ್‌ಗೆ ಕನೆಕ್ಟ್ ಮಾಡುವುದಾಗಿ ಹೇಳಿದ. ಅನಂತರ ಅವರಿಗೆ ವೀಡಿಯೋ ಕಾಲ್‌ ಬಂತು. ಅದರಲ್ಲಿ ಮಾತನಾಡಿದ ವ್ಯಕ್ತಿ ಕ್ರೈಂ ಬ್ರಾಂಚ್‌ ಪೊಲೀಸ್‌ ಅಧಿಕಾರಿ ಎಂದು ಪರಿಚಯಿಸಿಕೊಂಡ. ದೂರುದಾರ ರಿಂದ ಹಲವಾರು ಮಾಹಿತಿಗಳನ್ನು ಪಡೆದುಕೊಂಡ ಬಳಿಕ ಬೆದರಿಕೆ ಹಾಕಿ ಹಂತ ಹಂತವಾಗಿ 15 ಲ.ರೂ. ವರ್ಗಾಯಿಸಿಕೊಂಡಿದ್ದಾನೆ. ಮತ್ತೊಮ್ಮೆ ಅದೇ ರೀತಿ ಬೆದರಿಸಿ ಹಣ ಪಡೆದುಕೊಂಡಿದ್ದಾನೆ. ಒಟ್ಟು 18,12,987 ರೂ.ಗಳನ್ನು ವರ್ಗಾಯಿಸಿಕೊಂಡು ಮೋಸ ಮಾಡಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.