ಜನರ ಮೇಲೆ ನುಗ್ಗಿದ ಮಿನಿ ವ್ಯಾನ್‌, 18 ಮಂದಿಗೆ ಗಾಯ

ಬೀಜಿಂಗ್‌/ಶಾಂಘೈ : ಚೀನದ ವಾಣಿಜ್ಯ ಕೇಂದ್ರವಾಗಿರುವ ಶಾಂಘೈನಲ್ಲಿನ ಸ್ಟಾರ್‌ ಬಕ್ಸ್‌ ಮಳಿಗೆಯ ಹೊರಗೆ ನಡೆದುಕೊಂಡು ಹೋಗುತ್ತಿದ್ದ ಜನರ ಮೇಲೆ ಬೆಂಕಿ ಹೊತ್ತಿಕೊಂಡ ಮಿನಿ ವ್ಯಾನ್‌ ಒಂದು ನುಗ್ಗಿದ ಕಾರಣ ಕನಿಷ್ಠ 18 ಮಂದಿ ಗಾಯಗೊಂಡರು. 

ಇದೊಂದು ಭಯೋತ್ಪಾದಕ ದಾಳಿ ಇರಬಹುದೆಂಬ ಭೀತಿಯಲ್ಲಿ ಜನರು ತೀವ್ರವಾಗಿ ಭಯಭೀತರಾದರು. 

ಈ ದುರ್ಘ‌ಟನೆಯು ಉದ್ದೇಶಪೂರ್ವಕವಾದುದಲ್ಲ; ಕೇವಲ ಆಕಸ್ಮಿಕ; ಮೇಲಾಗಿ ಇದು ಭಯೋತ್ಪಾದನೆಯ ಕೃತ್ಯವೂ ಅಲ್ಲ; ವ್ಯಾನಿನೊಳಗೆ ದಹನಶೀಲ ವಸ್ತುಗಳಿದ್ದುದೇ ಅವಘಡಕ್ಕೆ ಕಾರಣವಾಯಿತು ಎಂದು ಕ್ಸಿನ್‌ಹುವಾ ಸುದ್ದಿಸಂಸ್ಥೆ ವರದಿ ಮಾಡಿದೆ.