18.66 ಕೋಟಿ ರೂ. ಲಾಟರಿ ಗೆದ್ದ ಭಾರತೀಯ

ದುಬಾೖ: ಭಾರತೀಯ ಮೂಲದ ರವೀಂದ್ರ ಬೋಳೂರು ಎಂಬವರಿಗೆ ಬಂಪರ್‌ ಲಾಟರಿ ಹೊಡೆದಿದೆ. ಅರಬ್‌ ಸಂಯುಕ್ತ ಸಂಸ್ಥಾನ(ಯುಎಇ)ದ ರಾಜಧಾನಿ ಅಬುಧಾಬಿ ನಿವಾಸಿಯಾಗಿರುವ ಬೋಳೂರು ಅವರು ಬಿಗ್‌ ಟಿಕೆಟ್‌ ಅಬುಧಾಬಿ ರ್ಯಾಫೆಲ್‌ ಡ್ರಾದಲ್ಲಿ ಭಾರೀ ಮೊತ್ತದ ಲಾಟರಿ ಅಂದರೆ, 18.66 ಕೋಟಿ ರೂ. ಗೆದ್ದಿದ್ದಾರೆ. ಈ ಮೂಲಕ ಸತತ ನಾಲ್ಕನೇ ಬಾರಿಗೆ ಭಾರತೀಯ ಮೂಲದ ವ್ಯಕ್ತಿ ಯುಎಇ ಲಾಟರಿ ಗೆದ್ದಂತಾಗಿದೆ. ಲಾಟರಿ ಗೆದ್ದ ಸಂದರ್ಭದಲ್ಲಿ ನಾನು ಮುಂಬಯಿನಲ್ಲಿದ್ದೆ. ಕರೆ ಬಂದಾಗ ನಂಬಲಾಗಲಿಲ್ಲ ಎಂದು ರವೀಂದ್ರ ಹೇಳಿದ್ದಾರೆ.