ಟೀ ಸ್ಟಾಲ್‌ನ ಮಾಲೀಕನಿಗೆ ಸೋಂಕು ; ಉದ್ಧವ್‌ ಠಾಕ್ರೆಯ 160 ಭದ್ರತಾ ಸಿಬಂದಿ ಕ್ವಾರಂಟೈನ್‌!

ಮುಂಬಯಿ: ಮಹಾರಾಷ್ಟ್ರ ಸಿಎಂ ಉದ್ಧವ್‌ ಠಾಕ್ರೆಗೆ ಭದ್ರತೆ ನೀಡುವ 160 ಭದ್ರತಾ ಸಿಬಂದಿಯನ್ನು ಕ್ವಾರಂಟೈನ್‌ ಮಾಡಲಾಗಿದೆ. ಅವರ ಖಾಸಗಿ ನಿವಾಸ ‘ಮಾತೋಶ್ರೀ’ ಸಮೀಪ ಇರುವ ಟೀ ಸ್ಟಾಲ್‌ನ ಮಾಲೀಕನಿಗೆ ಸೋಂಕು ತಗಲಿದ್ದು ದೃಢಪಟ್ಟಿತ್ತು. ಅಲ್ಲಿಯೇ ಚಹಾ ಕುಡಿಯುತ್ತಿದ್ದ ಭದ್ರತಾ ಸಿಬಂದಿಯೊಬ್ಬರಿಗೆ ಸೋಂಕು ಪತ್ತೆಯಾದ ಕಾರಣ ಅವರನ್ನು ಕ್ವಾರಂಟೈನ್‌ನಲ್ಲಿ ಇರಿಸಲಾಗಿದೆ.

ಜತೆಗೆ ಸದ್ಯ ಕ್ವಾರಂಟೈನ್‌ನಲ್ಲಿ ಇರುವ ಸಿಬಂದಿ ಕೂಡ ಅಲ್ಲಿಗೆ ತೆರಳಿ ಚಹಾ ಸೇವಿಸಿದ್ದರಬಹುದೆಂದು ಈ ಕ್ರಮ ಕೈಗೊಳ್ಳಲಾಗಿದೆ. ಜತೆಗೆ ತಾತ್ಕಾಲಿಕವಾಗಿ ಟೀ ಸ್ಟಾಲ್‌ ಮುಚ್ಚುವ ಬಗ್ಗೆ ಕ್ರಮ ಕೈಗೊಳ್ಳಲಾಗಿದೆ.

ಮತ್ತೆರಡು ಕೇಸು:  ಧಾರವಿ ಕೊಳೆಗೇರಿಯಲ್ಲಿ ಮತ್ತೆ ಎರಡು ಕೋವಿಡ್ ವೈರಸ್ ಪ್ರಕರಣ ದಾಖಲಾಗಿದ್ದು, ಒಟ್ಟಾರೆ ಸೋಂಕಿತರ ಸಂಖ್ಯೆ 7ಕ್ಕೆ ಏರಿದೆ.