ಅಪ್ಪನ ಕಾರು ಡ್ರೈವ್‌ ಮಾಡಿ ಜೀವ ಬಲಿ ಪಡೆದ 16ರ ಪುತ್ರ

ಹೊಸದಿಲ್ಲಿ : ಮಜಾ ಉಡಾಯಿಸಲು ಅಪ್ಪನ ಕಾರನ್ನು ಚಲಾಯಿಸಿದ 16ರ ಹರೆಯದ ಮಗ ದಿಲ್ಲಿಯ ಪ್ರಶಾಂತ್‌ ವಿಹಾರ್‌ನಲ್ಲಿ 25ರ ಹರೆಯದ ಅಡುಗೆಯಾಳು ಮಂಜೀತ್‌ ಅಲಿಯಾಸ್‌ ಜಾನಿ ಎಂಬಾತನನ್ನು ಕಾರಿನಡಿಗೆ ಹಾಕಿ ಮಾರಣಾಂತಿಕವಾಗಿ ಗಾಯಗೊಳಿಸಿದ್ದು  ಮಂಜೀತ್‌ ಜೀವನ್ಮರಣ ಹೋರಾಟ ನಡೆಸುತ್ತಾ ಆಸ್ಪತ್ರೆಯಲ್ಲಿ ಅಸುನೀಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಆರೋಪಿ 16ರ ಬಾಲಕನು ದಿಲ್ಲಿಯ ಖಾಸಗಿ ಶಾಲೆಯೊಂದರಲ್ಲಿ 12ನೇ ತರಗತಿ ವಿದ್ಯಾರ್ಥಿಯಾಗಿದ್ದಾನೆ; ತಂದೆಯ ಹ್ಯೂಂಡೈ ಸ್ಯಾಂಟ್ರೋ ಕಾರನ್ನು ಆತ ಮಜಾ ಮಾಡುವ ಉದ್ದೇಶಕ್ಕೆ ಡ್ರೈವ್‌ ಮಾಡಿದ್ದ. 

ಕಾರ್‌ ಡ್ರೈವ್‌ ಮಾಡಿ ಜೀವ ಬಲಿ ಪಡೆದಿರುವ ಬಾಲಕನನ್ನು ಪೊಲೀಸರು ತಮ್ಮ ವಶಕ್ಕೆ ತೆಗೆದುಕೊಂಡು ಆತನ ತಂದೆಯ ವಿರುದ್ಧವೂ ಕೇಸ್‌ ಬುಕ್‌ ಮಾಡಿದ್ದಾರೆ.