ಜಮ್ಮು ಕಾಶ್ಮೀರ : ಬಸ್ಸು ಸ್ಕಿಡ್‌ ಆಗಿ 15 ಮಂದಿಗೆ ಗಾಯ

ಜಮ್ಮು : ಜಮ್ಮು ಕಾಶ್ಮೀರದ ರಾಜೋರಿ ಜಿಲ್ಲೆಯಲ್ಲಿ ಪ್ರಯಾಣಿಕರ ಮಿನಿ ಬಸ್ಸು ಸ್ಕಿಡ್‌ ಆಗಿ ಸಂಭವಿಸಿದ ದುರಂತದಲ್ಲಿ ಹದಿನೈದು ಮಂದಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ಗಡಿ ಪ್ರದೇಶದ ನೌಶೇರಾದಿಂದ ಪ್ರಯಾಣಿಕರನ್ನು ಒಯ್ಯುತ್ತಿದ್ದ ಬಸ್ಸು ಸ್ಕಿಡ್‌ ಆಗಿ ಲಾಮ್‌ ಎಂಬಲ್ಲಿ ಮಗುಚಿ ಬಿದ್ದಿತು; ಗಾಯಾಳುಗಳನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.