500ರೂ. ಕಳ್ಳತನ ಮಾಡಿದ್ದಾನೆ ಎಂದು ಸ್ನೇಹಿತನ ತಾಯಿಯೇ 14ವರ್ಷದ ಹುಡುಗನನ್ನು ಹೊಡೆದು ಕೊಂದಳು

ಒಡಿಶಾ : ತನ್ನ ಮನೆಯಿಂದ 500 ರೂಪಾಯಿ ಕದ್ದಿದ್ದಾನೆ ಎಂದು ಸ್ನೇಹಿತನ ತಾಯಿ ಹದಿನಾಲ್ಕು ವರ್ಷದ ಬಾಲಕನಿಗೆ ಕೋಲಿನಿಂದ ಗಂಭೀರವಾಗಿ ಹೊಡೆದ ಪರಿಣಾಮ ಬಾಲಕ ಸಾವನ್ನಪ್ಪಿದ ಘಟನೆ ಒಡಿಶಾದ ಮಾಯರ್ ಬಂಜ್ ಜಿಲ್ಲೆಯ ಖೈಪನಪೋಷಿ ಗ್ರಾಮದಲ್ಲಿ ಬುಧವಾರ ನಡೆದಿದೆ.

ಘಟನೆ ಕುರಿತಂತೆ ಪೊಲೀಸರು 36ವರ್ಷದ ಸಸ್ಮಿತಾ ಬೆಹೆರಾ ಎಂಬ ಮಹಿಳೆಯನ್ನು ವಶಕ್ಕೆ ಪಡೆದಿದ್ದು ವಿಚಾರಣೆ ನಡೆಸಿದ ವೇಳೆ ಬಾಲಕನಿಗೆ ಹೊಡೆದಿರುವ ವಿಚಾರ ಹೊರಗೆ ಬಂದಿದೆ.

ಘಟನೆ ವಿವರ :
ರಾಜನ್ ಬೆಹೆರಾ ಎನ್ನುವ ಹದಿನಾಲ್ಕು ವರ್ಷದ ಯುವಕ ತನ್ನ ಸ್ನೇಹಿತನ ಮನೆಗೆ ತೆರಳಿದ್ದು ಸ್ವಲ್ಪ ಸಮಯದ ಬಳಿಕ ಮನೆಗೆ ವಾಪಸ್ಸಾಗಿದ್ದಾನೆ ಈ ವೇಳೆ ಸ್ನೇಹಿತನ ತಾಯಿ ಮನೆಯಲ್ಲಿ ಇರಲಿಲ್ಲ ಆ ನಂತರ ಮನೆಗೆ ಬಂದ ತಾಯಿಗೆ ಮನೆಯಲ್ಲಿ ಇಟ್ಟಿದ್ದ 500 ರೂಪಾಯಿ ಕಾಣುತಿಲ್ಲ ಎಂದು ತನ್ನ ಮಗನಲ್ಲಿ ವಿಚಾರಿಸಿದ್ದಾರೆ ಆಗ ಆತ ತನಗೇನು ಗೊತ್ತಿಲ್ಲ ಎಂದಿದ್ದಾನೆ ಅಸ್ಟೊತ್ತಿಗೆ ತನ್ನ ಗೆಳೆಯ ಮನೆಗೆ ಬಂದಿದ್ದ ವಿಚಾರ ಅಮ್ಮನಲ್ಲಿ ತಿಳಿಸಿದ್ದಾನೆ ಹುಡುಗ, ಇದನ್ನು ಕೇಳಿದ ಹುಡುಗನ ತಾಯಿ ಗೆಳೆಯನಿಗೆ ಕರೆ ಮಾಡಿ ಮನೆಗೆ ಬರಲು ಹೇಳಿದ್ದಾಳೆ. ಮನೆಗೆ ಹೋದ ಬಾಲಕನಲ್ಲಿ ಕಳ್ಳತನವಾದ 500 ರೂಪಾಯಿಯ ವಿಚಾರ ಕೇಳಿದ್ದಾಳೆ ಆದರೆ ಆತ ತನಗೇನೂ ಗೊತ್ತಿಲ್ಲ ಎಂದಿದ್ದಾನೆ ಈ ವೇಳೆ ತಾಯಿ ಕೋಲಿನಿಂದ ಮನಬಂದಂತೆ ಬಾಲಕನಿಗೆ ಹೊಡೆದಿದ್ದಾಳೆ ಗಂಭೀರ ಗಾಯಗೊಂಡಿದ್ದ ಬಾಲಕ ಮನೆಗೆ ಬಂದಿದ್ದು ಈ ಸಂದರ್ಭ ಸಾವನ್ನಪ್ಪಿದ್ದಾನೆ.

ಇದನ್ನೂ ಓದಿ :ಆಸೀಸ್ ಮಾಜಿ ಕ್ರಿಕೆಟಿಗ, ಕಮೆಂಟೇಟರ್ ಡೀನ್ ಜೋನ್ಸ್ ಮುಂಬೈನಲ್ಲಿ ನಿಧನ

ಬಾಲಕ ಸಾವನ್ನಪಿದ ವಿಚಾರವನ್ನು ಗ್ರಾಮಸ್ಥರು ಸ್ಥಳೀಯ ಪೊಲೀಸ್ ಠಾಣೆಗೆ ತಿಳಿಸಿದ್ದು ಪೊಲೀಸರು ಸ್ಥಳಕ್ಕೆ ಬಂದು ಬಾಲಕನ ಶವವನ್ನು ಆಸ್ಪತ್ರೆಗೆ ಸಾಗಿಸಿದ್ದು ಮರಣೋತ್ತರ ಪರೀಕ್ಷಾ ವರದಿಗಾಗಿ ಕಾಯಿತ್ತಿದ್ದಾರೆ.

ಪೊಲೀಸ್ ಠಾಣೆಯಲ್ಲಿ ಮಹಿಳೆ ಹೊಡೆದ ಪರಿಣಾಮ ಗಂಭೀರ ಗಾಯಗೊಂಡು ಬಾಲಕ ಸಾವನ್ನಪ್ಪಿದ್ದಾನೆ ಎಂದು ದೂರು ದಾಖಲಾಗಿದ್ದು  ಮಹಿಳೆಯ ವಿರುದ್ಧ ಐಪಿಸಿ ಸೆಕ್ಷನ್ 302 ರ ಅನ್ವಯ ಕೊಲೆ ಆರೋಪದ ಕೇಸ್ ದಾಖಲು ಮಾಡಲಾಗಿದೆ.