1303 ಕೋಟಿ ರೂ. ತೆರಿಗೆ ಬಾಕಿ: ಬಿಸಿಸಿಐಗೆ ನೋಟಿಸ್‌?

ಮುಂಬೈ: ಭಾರತ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ) ಈ ವರ್ಷ 1303 ಕೋಟಿ ರೂ. ತೆರಿಗೆ ಪಾವತಿಸಿಲ್ಲ ಎಂಬ ಕಾರಣ ನೀಡಿ, ಕಂದಾಯ ಇಲಾಖೆ ನೋಟಿಸ್‌ ಜಾರಿ ಮಾಡಿದೆ ಎಂದು ವರದಿಯೊಂದರಲ್ಲಿ ಹೇಳಲಾಗಿದೆ.

2018ರ ಸೆಪ್ಟೆಂಬರ್‌ ಹೊತ್ತಿಗೆ 462 ಕೋಟಿ ರೂ. ಬಾಕಿ ತೆರಿಗೆ ಪಾವತಿಸಿದ್ದ ಬಿಸಿಸಿಐ, ಈ ವರ್ಷ ಭಾರೀ ಮೊತ್ತವನ್ನು ಬಾಕಿಯುಳಿಸಿಕೊಂಡಿದೆ. ಆದ್ದರಿಂದ ಕಂದಾಯ ನೋಟಿಸ್‌ ನೀಡಲು ನಿರ್ಧಾರ ಮಾಡಿದೆ ಎಂದು ಮೂಲಗಳು ಹೇಳಿವೆ. 

ಬಿಸಿಸಿಐ ತನಗೆ ತೆರಿಗ ವಿನಾಯ್ತಿ ನೀಡಿ ಎಂದು ಕೇಂದ್ರಸರ್ಕಾರಕ್ಕೆ ಮನವಿ ಮಾಡಿತ್ತು. ಆದರೆ ಬಿಸಿಸಿಐ ಲಾಭಕರ ವಾಣಿಜ್ಯ ಚಟುವಟಿಕೆ ನಡೆಸುತ್ತಿರುವುದರಿಂದ ವಿನಾಯ್ತಿ ಸಾಧ್ಯವಿಲ್ಲ ಎಂದು ತೆರಿಗೆ ಇಲಾಖೆ ತಿಳಿಸಿದೆ.