IT: ಈ ವರ್ಷದ ಮೊದಲಾರ್ಧದಲ್ಲಿ ಅಗ್ರ 5 ಐಟಿ ಸಂಸ್ಥೆಗಳಲ್ಲಿ 13 ಸಾವಿರ ನೇಮಕ

ಹೊಸದಿಲ್ಲಿ: ಪ್ರಸಕ್ತ ವರ್ಷದ ಮೊದಲ 6 ತಿಂಗಳಲ್ಲಿ ದೇಶದ ಅಗ್ರ 5 ಐಟಿ ಸಂಸ್ಥೆಗಳು ಸುಮಾರು 13000 ಮಂದಿಯನ್ನು ನೇಮಿಸಿವೆ.

ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಇದು ಉತ್ತಮ ಉತ್ತಮ ಬೆಳವಣಿಗೆ ಎನ್ನಲಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ ಸುಮಾರು 44,000 ನೇಮಕವನ್ನು ಐ.ಟಿ. ಕ್ಷೇತ್ರದಲ್ಲಿ ಮಾಡಲಾಗಿತ್ತು. ದೇಶದ ದೊಡ್ಡ ಐಟಿ ಸಂಸ್ಥೆಗಳಾದ ಟಿಸಿಎಸ್‌, ಇನ್ಫೋಸಿಸ್‌, ವಿಪ್ರೋ ಹಾಗೂ ಟೆಕ್‌ ಮಹೇಂದ್ರಾ ತಮ್ಮ ಸಂಸ್ಥೆಗಳಲ್ಲಿ ಹೆಚ್ಚು ವರಿ ನೇಮಕಾತಿ ಮಾಡಿಕೊಂಡಿವೆ.

2021-22, 2022-23ರಲ್ಲಿ ಮೊದಲಾರ್ಧದಲ್ಲಿ ನೇಮಕ ಪ್ರಕ್ರಿಯೆ ಕ್ರಮವಾಗಿ 1.2 ಲಕ್ಷ ಹಾಗೂ 94 ಸಾವಿರದಷ್ಟಿತ್ತು. ಕೋವಿಡ್‌-19 ಸಾಂಕ್ರಮಿಕದ ಸಮಯದಲ್ಲಿ ಉಂಟಾದ ಸವಾಲುಗಳಿಂದ ಹೊರಬಂದು 2021-22ರಲ್ಲಿ ಐಟಿ ಕ್ಷೇತ್ರ ಹೆಚ್ಚುವರಿ ನೇಮಕಾತಿಯನ್ನು ಮಾಡಿಕೊಂಡಿತ್ತು. ಅದನ್ನೆಲ್ಲ ಸರಿದೂಗಿಸಿಕೊಂಡು ಈ ವರ್ಷದಲ್ಲಿ ಮತ್ತೆ ಉತ್ತಮ ಬೆಳವಣಿಗೆ ಕಾಣುವತ್ತ ಸಂಸ್ಥೆಗಳು ಮುಖ ಮಾಡುತ್ತಿವೆ.