ಕಿಷ್ತ್‌ವಾರ್‌: 300 ಅಡಿ ಆಳಕ್ಕೆ ಉರುಳಿದ ಬಸ್‌;13 ಮಂದಿ ದುರ್ಮರಣ 

ಕಿಷ್ತ್‌ವಾರ್‌: ಜಮ್ಮು ಮತ್ತು ಕಾಶ್ಮೀರದಲ್ಲಿ  ನಡೆದ ಘೋರ ದುರಂತವೊಂದರಲ್ಲಿ  ಬಸ್ಸೊಂದು 300 ಅಡಿ ಅಳದ ಪ್ರಪಾತಕ್ಕೆ ಉರುಳಿ ಬಿದ್ದಿದ್ದು 13 ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ. 

ತಾಕ್‌ರೈನ ದಾಂದಾರನ್‌ ಎಂಬಲ್ಲಿ  ಈ ಅವಘಡ ನಡೆದಿದ್ದು , ಬಸ್‌ ಸ್ಕಿಡ್‌ ಆಗಿ ಪ್ರಪಾತಕ್ಕೆ ಬಿದ್ದಿದೆ. 13 ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದು, 13 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಬಸ್‌ ಪ್ರಪಾತಕ್ಕೆ ಬಿದ್ದೊಡನೆಯೆ ರಕ್ಷಣಾ ಕಾರ್ಯ ನಡೆಸಿ ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಾಳುಗಳು ಮತ್ತು ಶವಗಳನ್ನು ಮೇಲಕ್ಕೆತ್ತಲು ಹರಸಾಹಸ ಪಡಬೇಕಾಯಿತು  ಎಂದು ವರದಿಯಾಗಿದೆ.