ಥಾಣೆಯಲ್ಲಿ 1,045 ಪ್ರಕರಣ

ಥಾಣೆ, ಜೂ. 21: ಜಿಲ್ಲೆಯಲ್ಲಿಶನಿವಾರ ಒಂದೇ ದಿನದಲ್ಲಿ ದಾಖಲೆಯ 1,045 ಕೋವಿಡ್‌ -19 ಪ್ರಕರಣಗಳು ವರದಿಯಾಗಿದ್ದು, ಇದರೊಂದಿಗೆ ಥಾಣೆಯ ಒಟ್ಟು ಪ್ರಕರಣಗಳ ಸಂಖ್ಯೆ 20,565ಕ್ಕೆ ತಲುಪಿದ್ದು, 684 ಸಾವು ಸಂಭವಿಸಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕಲ್ಯಾಣ್‌ -ಡೊಂಬಿವಲಿ ಮನಪಾ ಪ್ರದೇಶವು 242 ಪ್ರಕರಣಗಳೊಂದಿಗೆ ಸತತ ಮೂರನೇ ದಿನ 200ಕ್ಕೂ ಹೆಚ್ಚು ಸಂಖ್ಯೆ ಪ್ರಕರಣಗಳನ್ನು ವರದಿ ಮಾಡಿದೆ. ಜೂ. 18ರಂದು ಕಲ್ಯಾಣ್‌ ಡೊಂಬಿವಲಿಯಲ್ಲಿ 209 ಪ್ರಕರಣಗಳು ದಾಖಲಾಗಿದ್ದರೆ, ಜೂ. 19ರಂದು ಅದು 236ಕ್ಕೆ ಏರಿಕೆಯಾಗಿತ್ತು. ಶನಿವಾರ ವರದಿಯಾದ ಹೊಸ 1,045 ಪ್ರಕರಣ ಗಳಲ್ಲಿ ಥಾಣೆ ನಗರವು 176, ಎಂಬಿಎಂಸಿ 136, ಎನ್‌ಎಂಎಂಸಿ 172 ಮತ್ತು ಅಂಬರ್ನಾಥ್‌ 131 ಪ್ರಕರಣಗಳನ್ನು ದಾಖಲಿಸಿದೆ ಎಂದು ಅಧಿಕಾರಿ ಹೇಳಿದ್ದಾರೆ.

ಹಾಟ್‌ಸ್ಪಾಟ್‌ ಭಿವಂಡಿ ಶನಿವಾರ 81 ಪ್ರಕರಣಗಳು ಪತ್ತೆಯಾಗಿದ್ದು, ಇಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 875 ಮತ್ತು ಸಾವಿನ ಸಂಖ್ಯೆ 66ಕ್ಕೆ ತಲುಪಿದೆ. ಅಲ್ಲಿ ಮರಣ ಪ್ರಮಾಣ ಶೇ. 7.54ರಷ್ಟಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ಶನಿವಾರ ಸಂಭವಿಸಿದ 27 ಸಾವುಗಳಲ್ಲಿ 10 ನವಿಮುಂಬಯಿಯಿಂದ ವರದಿ ಯಾಗಿವೆ. ಈ ಪ್ರದೇಶವು ಶೇ. 57.24ರಷ್ಟು ಚೇತರಿಕೆ ಪ್ರಮಾಣವನ್ನು ಹೊಂದಿದೆ ಎಂದಿದ್ದಾರೆ. ನೆರೆಯ ಪಾಲ್ಘರ್‌ ಜಿಲ್ಲೆಯಲ್ಲಿ 96 ಸಾವುಗಳು ಸೇರಿದಂತೆ 2,624 ಪ್ರಕರಣಗಳು ದಾಖಲಾಗಿವೆ.