ರಿಕ್ಷಾ ಬಾವಿಗೆ ಬಿದ್ದು 10 ಮಂದಿ ಸಾವು

ಹೈದರಾಬಾದ್‌ : ರಿಕ್ಷಾವೊಂದು ಕೃಷಿ ಸಂಬಂಧಿತ ಬಾವಿಗೆ ಬಿದ್ದ ಪರಿಣಾಮ ನಿಜಮಾಬಾದ್‌ ಜಿಲ್ಲೆಯಲ್ಲಿ ಆರು ಮಕ್ಕಳು ಸಹಿತ 10 ಮಂದಿ ಸಾವಿಗೀಡಾಗಿದ್ದಾರೆ. ಬೈಪಾಸ್‌ ರಸ್ತೆಯಲ್ಲಿ ಸಾಗುತ್ತಿದ್ದ ರಿಕ್ಷಾದಲ್ಲಿ ಒಟ್ಟು 14 ಮಂದಿ ಇದ್ದರು. ರಿಕ್ಷಾ ಚಾಲಕ ಸಹಿತ ನಾಲ್ವರನ್ನು ರಕ್ಷಿಸಲಾಗಿದೆ. 40-50 ವಯಸ್ಸಿನ ನಾಲ್ವರು ಮಹಿಳೆಯರು ಕೂಡ ಸಾವನ್ನಪ್ಪಿದ್ದಾರೆ. ಲೆಕ್ಕಕ್ಕಿಂತ ಹೆಚ್ಚು ಜನರನ್ನು ತುಂಬಿಸಿಕೊಂಡಿದ್ದ ರಿಕ್ಷಾ ಅತೀ ವೇಗವಾಗಿ ಚಲಿಸಿರುವುದೇ ದುರ್ಘ‌ಟನೆಗೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ.