ಕೆನಡಾ: ವ್ಯಾನ್‌ ಹರಿಸಿ ಹತ್ಯೆ

ಟೊರಾಂಟೊ: ಕೆನಡಾದ ಟೊರಾಂಟೋದಲ್ಲಿ ವ್ಯಕ್ತಿಯೊಬ್ಬ ಪಾದಚಾರಿ ಮಾರ್ಗದಲ್ಲಿ ನಡೆದುಕೊಂಡು ಹೋಗುತ್ತಿದ್ದವರ ಮೇಲೆ ವ್ಯಾನ್‌ ಹರಿಸಿ ಹತ್ತು ಮಂದಿಯನ್ನು ಕೊಂದಿದ್ದಾನೆ. 15 ಮಂದಿ ಗಾಯಗೊಂಡಿದ್ದಾರೆ. ಘಟನೆಗೆ ಕಾರಣನಾದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದು, ಇದು ಉದ್ದೇಶಪೂರ್ವಕ ಕೃತ್ಯ ಎಂದಿದ್ದಾರೆ. ಜಿ7 ರಾಷ್ಟ್ರಗಳ ಸಚಿವರ ಸಮಾವೇಶ ನಡೆಯುತ್ತಿದ್ದ ಸ್ಥಳದಿಂದ 16 ಕಿಮೀ ದೂರದಲ್ಲಿ  ಈ ಘಟನೆ ನಡೆದಿದೆ. ಇದು ಕೆನಡಾದ ರಾಷ್ಟ್ರೀಯ ಭದ್ರತೆಗೆ ಸವಾಲಾಗುವ ವಿಚಾರ ಅಲ್ಲ ಎಂದು ಸರಕಾರ ತಿಳಿಸಿದೆ.