ರಾಣಿ ಚನ್ನಮ್ಮ ವಿವಿಗೆ 1 ಲಕ್ಷ ದಂಡ !

ಬೆಳಗಾವಿ: ಪದವಿ ಪೂರೈಸಿದ ವಿದ್ಯಾರ್ಥಿನಿಗೆ ಅಂಕಪಟ್ಟಿ ನೀಡದೆ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯ ಸೇವಾ ನ್ಯೂನತೆ ಎಸಗಿದ್ದರಿಂದ ವಿದ್ಯಾರ್ಥಿನಿಗೆ ಲಕ್ಷ ರೂ. ಪರಿಹಾರ ನೀಡಬೇಕು ಎಂದು ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ವೇದಿಕೆ ಆದೇಶ ಹೊರಡಿಸಿದೆ.ಬಾಗಲಕೋಟೆ ಕೌಲಪೇಟ ಗ್ರಾಮದ ಗೀತಾ ಈರಪ್ಪ ಇಜಾರ್‌ದಾರ ಬಿ.ಕಾಂ ಪದವಿಗಾಗಿ ರಾಣಿ ಚನ್ನಮ್ಮ ವಿವಿ ಬಾಗಲಕೋಟೆಯ ಬಸವೇಶ್ವರ ವಾಣಿಜ್ಯ ವಿವಿಯಲ್ಲಿ ಪ್ರವೇಶ ಪಡೆದು 2015ರಲ್ಲಿ ಪಾಸಾಗಿದ್ದಳು.

ಆದರೆ ಮಹಾವಿದ್ಯಾಲಯ ಬಿ.ಕಾಂ ಪದವಿ ಪಾಸಾದ ಅಂಕಪಟ್ಟಿ ನೀಡಿರಲಿಲ್ಲ.ಅಂಕಪಟ್ಟಿ ಇಲ್ಲದೇ ವಿದ್ಯಾರ್ಥಿನಿ ಮುಂದಿನ ವಿದ್ಯಾಭ್ಯಾಸಕ್ಕೆ ಮತ್ತು ಉದ್ಯೋಗ ಪಡೆಯಲು ಅರ್ಜಿ ಸಲ್ಲಿಕೆಗೆ ತೊಂದರೆ ಆಗಿತ್ತು. ಇದರಿಂದ ನೊಂದು ಪರಿಹಾರ ಕೋರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯ ಗಳ ಪರಿಹಾರ ವೇದಿಕೆ ಎದುರು 2018, ಏ.24ರಂದು ದೂರು ದಾಖಲಿಸಿದ್ದಳು. ವಿದ್ಯಾರ್ಥಿನಿಗೆ 30 ದಿನಗಳೊಳಗೆ ಲಕ್ಷ ರೂ. ಪರಿಹಾರ ಮೊತ್ತವನ್ನು ಶೇ.9ರಂತೆ ಬಡ್ಡಿ ಸೇರಿಸಿ ಕೊಡಲು ವೇದಿಕೆ ಆದೇಶ ಹೊರಡಿಸಿದೆ.