ವಾಹನ ಅಪಘಾತದಲ್ಲಿ ವೈದ್ಯೆಯ ಸಾವು: 1.20 ಕೋ. ರೂ. ನಷ್ಟ ಪರಿಹಾರ ನೀಡಲು ತೀರ್ಪು

ಕಾಸರಗೋಡು: ಕಾರವಾರ-ಬೆಳ್ಳಾರಿಯ ಅರೆಬೈಲ್‌ನ ರಾಷ್ಟ್ರೀಯ ಹೆದ್ದಾರಿಯಲ್ಲಿ 2021ರ ಫೆ. 2ರಂದು ಸಂಭವಿಸಿದ ವಾಹನ ಅಪಘಾತದಲ್ಲಿ ಸಾವಿಗೀಡಾದ ಹೊಸದುರ್ಗ ಕಾಟ್ಟುಕುಳಂಗರೆಯ ಡಾ| ಆರ್‌. ಪೂಜಾ ಗೌರಿ (23) ಅವರ ಕುಟುಂಬಕ್ಕೆ ಒಟ್ಟು 1.20 ಕೋಟಿ ರೂ. ನಷ್ಟ ಪರಿಹಾರ ನೀಡುವಂತೆ ಕಾಸರಗೋಡು ಎಂ.ಎ.ಸಿ.ಟಿ.(ವಾಹನ ಅಪಘಾತ ನಷ್ಟ ಪರಿಹಾರ ನ್ಯಾಯಾಲಯ) ತೀರ್ಪು ನೀಡಿದೆ.

ಇದರಂತೆ ಎಚ್‌ಡಿಎಫ್‌ಸಿ ಇರ್ಗೊ ಜನರಲ್‌ ಇನ್ಶೂರೆನ್ಸ್‌ ಕಂಪೆನಿ ಈ ನಷ್ಟ ಪರಿಹಾರ ನೀಡಬೇಕಾಗಿದೆ. ನಷ್ಟ ಪರಿಹಾರ ಮೊತ್ತವಾಗಿ 97,61,440 ರೂ. ಮತ್ತು ಇದರ ಶೇ. 8ರಷ್ಟು ಬಡ್ಡಿ ದರ ಹಾಗೂ ನ್ಯಾಯಾಲಯದ ವೆಚ್ಚ ಸೇರಿದಂತೆ 1.20 ಕೋಟಿ ರೂ. ನೀಡುವಂತೆ ತೀರ್ಪಿನಲ್ಲಿ ತಿಳಿಸಿದೆ.

ಡಾ| ಸೌಮ್ಯಾ ಗೌರಿ ಸಹಿತ ಸ್ನೇಹಿತರು ಪ್ರಯಾಣಿಸುತ್ತಿದ್ದ ಕಾರಿಗೆ ಎದುರು ಭಾಗದಿಂದ ಬಂದ ಪಿಕಪ್‌ ಢಿಕ್ಕಿ ಹೊಡೆದಿತ್ತು.