ಮಳೆ: ಇಂಗ್ಲೆಂಡ್‌-ಪಾಕ್‌ ಏಕದಿನ ರದ್ದು

ಲಂಡನ್‌: ಇಂಗ್ಲೆಂಡ್‌-ಪಾಕಿಸ್ಥಾನ ನಡುವಿನ 5 ಪಂದ್ಯಗಳ ಏಕದಿನ ಸರಣಿಗೆ ನಿರಾಶಾದಾಯಕ ಆರಂಭ ಲಭಿಸಿದೆ. ಬುಧವಾರ ರಾತ್ರಿಯ ಓವಲ್ ಪಂದ್ಯ ಭಾರೀ ಮಳೆಯಿಂದ ರದ್ದುಗೊಂಡಿದೆ. ಆಗ ಮೊದಲು ಬ್ಯಾಟಿಂಗ್‌ ಮಾಡುತ್ತಿದ್ದ ಪಾಕಿಸ್ಥಾನ 19 ಓವರ್‌ಗಳಲ್ಲಿ 2 ವಿಕೆಟಿಗೆ 80 ರನ್‌ ಗಳಿಸಿತ್ತು.

ಪಂದ್ಯದ ಆರಂಭಕ್ಕೂ ಮೊದಲೇ ಮಳೆಯಾದ್ದರಿಂದ ಇದನ್ನು 47 ಓವರ್‌ಗಳಿಗೆ ಇಳಿಸಲಾಗಿತ್ತು. ಬಳಿಕ ಟಾಸ್‌ ಗೆದ್ದ ಇಂಗ್ಲೆಂಡ್‌ ಪ್ರವಾಸಿ ಪಾಕಿಸ್ಥಾನವನ್ನು ಬ್ಯಾಟಿಂಗಿಗೆ ಇಳಿಸಿತು. ಘಾತಕ ದಾಳಿ ಸಂಘಟಿಸಿದ ಜೋಫ‌್ರ ಆರ್ಚರ್‌, ಪ್ಲಂಕೆಟ್ 2 ವಿಕೆಟ್‌ಗಳನ್ನು ಹಂಚಿಕೊಂಡರು. ಫ‌ಕಾರ್‌ ಜಮಾನ್‌ (3) ಮತ್ತು ಬಾಬರ್‌ ಆಜಂ (16) ಔಟಾದ ಆಟಗಾರರು. ಕ್ರೀಸಿನಲ್ಲಿದ್ದ ಕ್ರಿಕೆಟಿಗರೆಂದರೆ ಇಮಾಮ್‌ ಉಲ್ ಹಕ್‌ (42) ಮತ್ತು ಹ್ಯಾರಿಸ್‌ ಸೊಹೈಲ್ (14). ದ್ವಿತೀಯ ಏಕದಿನ ಮೇ 11ರಂದು ಸೌತಾಂಪ್ಟನ್‌ನಲ್ಲಿ ನಡೆಯಲಿದೆ.