Advertisement
ನೇತ್ರಾವತಿಯಲ್ಲಿ ಭಾರೀ ಪ್ರಮಾಣದಲ್ಲಿ, ಪ್ರವಾಹದ ರೀತಿಯಲ್ಲಿ ನೀರು ಹರಿದು ಬರುತ್ತಿದ್ದು, ಸಂಜೆ 4 ಗಂಟೆಯ ಹೊತ್ತಿಗೆ ಬಂದ ನೀರಿನ ಪ್ರವಾಹ ಒಮ್ಮೆಗೆ ನಿರೀಕ್ಷೆ ಮೀರಿ ಹರಿದು ಬಂದು ಘಟಕದ ಹಿಂದಿನ ಬಾಗಿಲ ಮೂಲಕ ಒಳಗಡೆಗೆ ನುಗ್ಗಿದ್ದು, ಹೀಗಾಗಿ ಘಟಕದ ಒಳಗಡೆ ನೀರು ಸೇರಿಕೊಂಡಿದೆ.
ಘಟಕದ ಒಳಗಡೆ ಹಗಲು ಪಾಲಿಯ 6 ಮಂದಿ ಎಂಜಿನಿಯರ್‌ ಮತ್ತು 4 ಇತರ ಸಿಬಂದಿ ಸೇರಿದಂತೆ ಒಟ್ಟು 10 ಮಂದಿ ಕೆಲಸದಲ್ಲಿ ನಿರತರಾಗಿದ್ದರು. ಒಳಗಡೆ ನೀರು ಬರುವುದನ್ನು ಗಮನಿಸಿ ಮೇಲಕ್ಕೆ ಏರಿ ಬಂದು ಪ್ರಾಣ ರಕ್ಷಿಸಿಕೊಂಡಿದ್ದಾರೆ ಎಂದು ಘಟಕದ ಸಾರ್ವಜನಿಕ ಸಂಪರ್ಕಾಧಿಕಾರಿ ಮಹಮ್ಮದ್‌ ಸಗೀರ್‌ ಅಹಮದ್‌ ತಿಳಿಸಿದ್ದಾರೆ.