ಜಿಂಬಾಬ್ವೆ ಕ್ರಿಕೆಟಿಗ ಆಸ್ಪತ್ರೆಗೆ ದಾಖಲು

ಹಂಬಂತೋಟ: ಅಲರ್ಜಿ ಸಮಸ್ಯೆಯಿಂದ ಜಿಂಬಾಬ್ವೆ ಕ್ರಿಕೆಟಿಗ ರಿಯಾನ್‌ ಬುರಿ ಅವರನ್ನು ಆಸ್ಪತ್ರೆಗೆ ದಾಖಲಿಸಬೇಕಾದ ಸಂದರ್ಭ ಎದುರಾಗಿದೆ. ಅವರು ಒಂದು ರಾತ್ರಿ ಹಂಬಂತೋಟ ಆಸ್ಪತ್ರೆಯಲ್ಲಿದ್ದು, ಗುರುವಾರ ಬಿಡುಗಡೆಗೊಂಡಿದ್ದಾರೆ.

ಮೀನಿನ ಸೇವನೆಯಿಂದ ಅಲರ್ಜಿಯಾದ್ದರಿಂದ ಬುಧವಾರ ರಿಯಾನ್‌ ಬುರಿ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಯಿತು; ಒಂದೇ ದಿನದಲ್ಲಿ ಚೇತರಿಸಿಕೊಂಡ ಅವರು ಬಿಡುಗಡೆಗೊಂಡಿದ್ದಾರೆ ಎಂದು ಜಿಂಬಾಬ್ವೆ ಕ್ರಿಕೆಟಿನ ಅಧಿಕೃತ ಟ್ವಿಟರ್‌ ತಿಳಿಸಿದೆ.

ಶ್ರೀಲಂಕಾ ಎದುರಿನ ಪ್ರಥಮ ಪಂದ್ಯದಲ್ಲಿ ಬುರಿ ಅವರಿಗೆ ಬ್ಯಾಟಿಂಗ್‌ ಅವಕಾಶ ಸಿಕ್ಕಿರಲಿಲ್ಲ. 2ನೇ ಪಂದ್ಯದಲ್ಲಿ ಕೇವಲ 9 ರನ್‌ ಮಾಡಿದ್ದರು. ಗುರುವಾರದ 3ನೇ ಮುಖಾಮುಖೀಗಾಗಿ ಬುರಿ ಬದಲು ಕಾರ್ಲ್ ಮುಂಬ ಅವರನ್ನು ಸೇರಿಸಿಕೊಳ್ಳಲಾಯಿತು.