ಅಬುಧಾಬಿ ಟಿ10 ಲೀಗ್ ನಲ್ಲಿ ಆಡಲಿರುವ ಯುವರಾಜ್ ಸಿಂಗ್

ಮುಂಬೈ: ಟೀಂ ಇಂಡಿಯಾ ಮಾಜಿ ಆಟಗಾರ, ಸಿಕ್ಸರ್ ಕಿಂಗ್ ಯುವರಾಜ್ ಸಿಂಗ್ ಮುಂಬರುವ ಅಬುಧಾಬಿ ಟಿ ಟೆನ್ ಲೀಗ್ ನಲ್ಲಿ ಆಡಲಿದ್ದಾರೆ. ಕೂಟದ ಮರಾಠ ಅರೇಬಿಯನ್ಸ್ ತಂಡದಲ್ಲಿ ಯುವಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಬಗ್ಗೆ ಸ್ವತಃ ಯುವರಾಜ್ ಟ್ವೀಟ್ ಮಾಡಿದ್ದು, ಸಂತಸ ವ್ಯಕ್ತಪಡಿಸಿದ್ದಾರೆ. ಈ ಕೂಟ ನವೆಂಬರ್ 14ರಿಂದ 24ರವರೆಗೆ ನಡೆಯಲಿದೆ.

ಇದೇ ವರ್ಷದ ಜೂನ್ ನಲ್ಲಿ ಬಿಸಿಸಿಐಗೆ ತನ್ನ ರಾಜೀನಾಮೆ ನೀಡಿದ್ದ ಯುವರಾಜ್ ನಂತರ ಕೆನಡಾದಲ್ಲಿ ನಡೆದಿದ್ದ ಟಿ ಟ್ವೆಂಟಿ ಲೀಗ್ ನಲ್ಲಿ ಕಾಣಿಸಿಕೊಂಡಿದ್ದರು.