ಚಿತ್ರೀಕರಣಕ್ಕೆ ರೆಡಿಯಾದ ‘ಯುವ’

“ಯುವ’ ಚಿತ್ರದ ಮೂಲಕ ಯುವರಾಜ್‌ ಕುಮಾರ್‌ ಲಾಂಚ್‌ ಆಗುತ್ತಿರೋದು ನಿಮಗೆ ಗೊತ್ತೇ ಇದೆ. ಇತ್ತೀಚೆಗಷ್ಟೇ ಚಿತ್ರದ ಮುಹೂರ್ತ ನಡೆದಿತ್ತು. ಈಗ ಚಿತ್ರತಂಡ ಚಿತ್ರೀಕರಣಕ್ಕೆ ಅಣಿಯಾಗಿದ್ದು, ಮೊದಲ ಹಂತವಾಗಿ ಚಿತ್ರದ ಸೆಟ್‌ ವರ್ಕ್‌ ಆರಂಭವಾಗಿದೆ.

ಆ್ಯಕ್ಷನ್‌ ದೃಶ್ಯಗಳನ್ನು ಸೆಟ್‌ನಲ್ಲಿ ಚಿತ್ರೀಕರಿಸಲು ಚಿತ್ರ ತಂಡ ಮುಂದಾಗಿದ್ದು, ಅದಕ್ಕಾಗಿ ಸೆಟ್‌ ಹಾಕಲಾಗುತ್ತಿದೆ. ಈ ಮೂಲಕ ಯುವರಾಜ್‌ಕುಮಾರ್‌ ಶೂಟಿಂಗ್‌ ಅಖಾಡಕ್ಕೆ ಇಳಿಯುತ್ತಿದ್ದಾರೆ.

ಯುವರಾಜ್‌ಕುಮಾರ್‌ ಅವರ ಚೊಚ್ಚಲ ಚಿತ್ರವನ್ನು ಹೊಂಬಾಳೆ ಸಂಸ್ಥೆ ನಿರ್ಮಿಸುತ್ತಿದ್ದು, ಸಂತೋಷ್‌ ಆನಂದರಾಮ್‌ ನಿರ್ದೇಶಿಸುತ್ತಿದ್ದಾರೆ. ಈಗಾಗಲೇ ಕೆಜಿಎಫ್, ಕಾಂತಾರ ಸೇರಿದಂತೆ ಹಲವು ವಿಭಿನ್ನ ಸಿನಿಮಾಗಳ ಮೂಲಕ ಪ್ರತಿಷ್ಠಿತ ಬ್ಯಾನರ್‌ ಎನಿಸಿಕೊಂಡಿರುವ ಹೊಂಬಾಳೆ ಈಗ ಯುವರಾಜ್‌ಕುಮಾರ್‌ ಅವರನ್ನು ಲಾಂಚ್‌ ಮಾಡುವ ಜವಾಬ್ದಾರಿ ತಗೊಂಡಿರೋದು ಸಿನಿಮಾ ಪ್ರೇಮಿಗಳ ಕುತೂಹಲ ಹೆಚ್ಚಿಸಿದೆ. ಔಟ್‌ ಆ್ಯಂಡ್‌ ಔಟ್‌ ಆ್ಯಕ್ಷನ್‌ ಲುಕ್‌ನಲ್ಲಿ ಯುವ ಕಾಣಿಸಿಕೊಳ್ಳು ತ್ತಿದ್ದು, ಟೀಸರ್‌ನಲ್ಲಿರುವ ಖಡಕ್‌ ಡೈಲಾಗ್‌ ಸಿನಿಮಾದ ಬಗ್ಗೆ ಭರವಸೆ ಹುಟ್ಟುಹಾಕಿದೆ.

“ಯುವ’ ಸಿನಿಮಾಕ್ಕೆ “ಕಾಂತಾರ’ದ ಹುಡುಗಿ ಸಪ್ತಮಿ ಗೌಡ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.