ರಾಶಿಫಲ: ಈ ರಾಶಿಯವರು ವ್ಯಾಪಾರ, ವ್ಯವಹಾರದಲ್ಲಿ ಸದ್ಯದ ಮಟ್ಟಿಗೆ ಹೂಡಿಕೆ ಮಾಡುವುದು ಬೇಡ.

16-04-2021

ಮೇಷ: ಮಾನಸಿಕವಾಗಿ ಒತ್ತಡ, ವರಮಾನದಲ್ಲಿ ಅಸ್ಥಿರತೆ, ಸಣ್ಣಪುಟ್ಟ ಸಮಸ್ಯೆಗಳನ್ನು ಹೊರತುಪಡಿಸಿದರೆ ಕಾರ್ಯ ನಿರ್ವಹಣೆಗಳಲ್ಲಿ ಶ್ರಮವು ದೊಡ್ಡ ಪ್ರಮಾಣದಲ್ಲಿ ಕಡಿಮೆ ಆಗಲಿದೆ. ಶುಭಫ‌ಲಗಳು ಅನುಭವಕ್ಕೆ ಬರಲಿದೆ.

ವೃಷಭ: ಸಾಂಸಾರಿಕವಾಗಿ ಉತ್ತಮ ಬದಲಾವಣೆ ಇದೆ. ಶುಭ ಕಾರ್ಯದಲ್ಲಿ ಪ್ರಗತಿ ಕಂಡು ಬರುವುದು. ಉದ್ಯೋಗದಲ್ಲಿ ಸಫ‌ಲತೆ ಪ್ರಾಪ್ತಿ ಇದೆ. ಅನಿರೀಕ್ಷಿತ ರೀತಿಯಲ್ಲಿ ನಿಮ್ಮ ಕಾರ್ಯಸಾಧನೆಯಾಗಲಿದೆ. ಕಾರ್ಯದಲ್ಲಿ ವಿಳಂಬವಿದೆ.

ಮಿಥುನ: ಧನವ್ಯಯವು ಹಲವು ರೀತಿಯಲ್ಲಿ ಕಂಡು ಬರುವುದು. ಆದರೂ ಅದರಲ್ಲಿ ಸಫ‌ಲತೆ ಹಾಗೂ ಸಮಾಧಾನ ಕಂಡುಬರುವುದು. ಮನೋವ್ಯಾಕುಲತೆಗೆ ಗುರಿಯಾಗದಿರಿ. ಮನಸ್ಸಿನ ಎಣಿಕೆಯಂತೆ ಕಾರ್ಯಗಳು ನಡೆದಾವು.

ಕರ್ಕ: ಹಿಡಿದ ಕಾರ್ಯವನ್ನು ಛಲ ಹಿಡಿದು ಮುಂದುವರಿಸಿದರೆ ಸಾರ್ಥಕತೆ ಕಂಡು ಬರುವುದು. ಅತಿಥಿಗಳ ಆಗಮನದಿಂದ ಸಂತಸವಾಗಲಿದೆ. ಆರೋಗ್ಯದಲ್ಲಿ ಜಾಗ್ರತೆ ಇರಲಿ. ನೀವು ಒಳ್ಳೆಯದು ಮಾಡಲು ಹೋದರೆ ಕೆಟ್ಟ ಮಾತು ಬಂದೀತು.

ಸಿಂಹ: ಕುಟುಂಬದ ಜನರ ಸಹಕಾರವು ಉತ್ತಮವಿದ್ದು ಮಾನಸಿಕವಾಗಿ ತೃಪ್ತಿ ದೊರಕಲಿದೆ. ಹಿತಶತ್ರುಗಳ ಚಲನೆಯ ಮೇಲೆ ಕಣ್ಣಿಡಿರಿ. ಮಾತಿಗೆ ಮರುಳಾಗದಿರಿ. ಕಾರ್ಯಸಾಧನೆಯಲ್ಲಿ ಯಶಸ್ಸು ತೋರಿ ಮನೋಕಾಮನೆ ಪೂರ್ಣವಾದೀತು.

ಕನ್ಯಾ: ಕಾರ್ಯಸಾಧನೆಯಲ್ಲಿ ಹೆಚ್ಚಿನ ಯಶಸ್ಸು ತೋರಿಬಂದು ಒಳ್ಳೆಯ ಕೀರ್ತಿ ಗಳಿಸುವಿರಿ. ಇದಕ್ಕೆ ನಿಮ್ಮ ತಾಳ್ಮೆಯೇ ಕಾರಣವಾಗಲಿದೆ. ಕೆಲವೊಮ್ಮೆ ಆರೋಗ್ಯದಲ್ಲಿ ಏರುಪೇರು ಕಂಡುಬರುವುದು. ಚಿಂತಿಸಿದ ಕಾರ್ಯದಲ್ಲಿ ಸಫ‌ಲತೆ ಇದೆ.

ತುಲಾ: ಶುಭ ವಾರ್ತೆಯು ಪ್ರಕಟವಾಗಿ ಸಂತಸದಿಂದ ಸಂಭ್ರಮಿಸುವಿರಿ. ಕಾರ್ಯಕ್ಷೇತ್ರದಲ್ಲಿ ದೃಢ ಮನಸ್ಸಿನಿಂದ ಮುಂದುವರಿಯಿರಿ. ನೂತನ ದಂಪತಿಗಳಿಗೆ ಹರುಷ ತರಲಿದೆ. ಸಣ್ಣ ಮಟ್ಟಿನ ಸಂಚಾರವು ಒದಗಿ ಬರುವುದು.

ವೃಶ್ಚಿಕ: ನಿಮ್ಮೆಣಿಕೆಯಂತೆ ಕಾರ್ಯ ಜಯವಾಗುವುದರಿಂದ ಆ ಕುರಿತು ಚಿಂತೆ ಬೇಡ. ವೈವಾಹಿಕ ಜೀವನವು ಉತ್ತಮವಿದ್ದು ಸಂತಸವಿದೆ. ಅಧಿಕ ಲಾಭವಿದ್ದರೂ ಖರ್ಚುವೆಚ್ಚಗಳು ಅಧಿಕವಾಗಿ ಕಂಡುಬರಲಿದೆ. ಜಾಗ್ರತೆ ಮಾಡಿರಿ.

ಧನು: ಕಾರ್ಯಕ್ಷೇತ್ರದಲ್ಲಿ ಹೆಚ್ಚಿನ ಹೊರೆ ಬೀಳಲಿದೆ. ವ್ಯಾಪಾರ, ವ್ಯವಹಾರದಲ್ಲಿ ಸದ್ಯದ ಮಟ್ಟಿಗೆ ಹೂಡಿಕೆ ಬೇಡ. ಆರ್ಥಿಕ ಸ್ಥಿತಿಯಲ್ಲಿ ಹಂತ ಹಂತವಾಗಿ ಅಭಿವೃದ್ಧಿ ಕಂಡು ಬರಲಿದೆ. ಇದ್ದುದನ್ನು ಇದ್ದ ಹಾಗೆ ನಡೆಸಿಕೊಂಡು ಹೋಗಿರಿ.

ಮಕರ: ಗುರುಹಿರಿಯರ ಮಾರ್ಗದರ್ಶನದಿಂದ ಮುನ್ನ ತೋರಿಬರುವುದು. ಉದ್ಯೋಗ ವ್ಯವಹಾರದಲ್ಲಿ ಸ್ಥಿರತೆ ಸಾಮಾಜಿಕವಾಗಿ ಗೌರವ ಪ್ರಾಪ್ತಿಯಾಗಲಿದೆ. ದೂರ ಪ್ರಯಾಣದಲ್ಲಿ ಜಾಗ್ರತೆ ಮಾಡಿರಿ. ವಾಹನದಿಂದ ಅನುಕೂಲವಾಗಲಿದೆ.

ಕುಂಭ: ಕೆಲವೊಂದು ಪ್ರತಿಕೂಲ ಸ್ಥಿತಿಯಲ್ಲೂ ನಿಮ್ಮ ಕಠಿಣ ಪರಿಶ್ರಮ ಹಾಗೂ ಧ್ಯೆಯವು ಕೂಡಿ ವಿಜಯ ಪ್ರಾಪ್ತಿಯಾಗಲಿದೆ. ಆರ್ಥಿಕ ವ್ಯವಹಾರದಲ್ಲಿ ಅಡಚಣೆ ಕಂಡುಬರುವುದು. ಮಾನಸಿಕವಾಗಿ ಅಸ್ಥಿರತೆಯು ಕಾಡಲಿದೆ.

ಮೀನ: ನಿರುದ್ಯೋಗಿಗಳಿಗೆ ಉದ್ಯೋಗ ಲಾಭವಿದೆ. ದಾಯಾದಿಗಳಿಂದ ಅವಮಾನ ಪ್ರಸಂಗವಿದೆ. ಆರ್ಥಿಕ ವಾಗಿ ತುಂಬಾ ಖರ್ಚು ಕಂಡುಬರುವುದು. ಮಾನಸಿಕವಾಗಿ ಅಸ್ಥಿರತೆ ಕಾಡಲಿದೆ. ಒಂದಿಲ್ಲೊಂದು ಸಮಸ್ಯೆ ಕಾಡಲಿದೆ.

 

ಎನ್‌.ಎಸ್‌. ಭಟ್‌