ನಿನ್ನನ್ನ ನೆನಪಿಸಿಕೊಳ್ಳೋಕೆ ಟೈಮೇ ಸಿಗ್ತಿಲ್ಲ ನೋಡು. ಮೊನ್ನೆ ಜನವರಿಯಲ್ಲಿ ಒಮ್ಮೆ ಮೆಸೇಜ್ ಮಾಡಿದ್ದು ಬಿಟ್ರೆ, ಈಗ ಆಗಸ್ಟ್ ಆಗ್ತಾ ಬಂತು. ಒಂದೂ ಮೆಸೇಜ್ ಇಲ್ಲ, ಇನ್ನು ಫೋನ್ ಮಾಡೋದಂತೂ ಕೇಳ್ಳೋದೇ ಬೇಡ. ನಿನ್ ಕಷ್ಟ ನನಗೂ ಅರ್ಥ ಆಗುತ್ತೆ. ಅದಕ್ಕೇ ನಂಬರ್ ಕೊಡು ಅಂತ ನಿಂಗೆ ಒತ್ತಾಯ ಮಾಡಿ ಕೇಳಲ್ಲ. ಆದರೆ, ಯಾವತ್ತೂ ನನ್ನನ್ನ ಮರೀಬೇಡ ಅಂತಷ್ಟೇ ನಿನ್ನನ್ನು ಕೇಳಿಕೊಳ್ಳೋದು.
Advertisement
ಮೊನ್ನೆಯಷ್ಟೇ ನನ್ನ ಬರ್ತ್ಡೇ ಆಯ್ತು. ನೀನು ವಿಷ್ ಮಾಡ್ಲಿಲ್ಲ ಅನ್ನೋ ಬೇಜಾರು ಇದೆ. ಅದನ್ನು ಎದೆಯೊಳಗೆ ಇಟ್ಕೊಂಡೇ ನಿನ್ನ ಹುಟ್ಟಿದಹಬ್ಬಕ್ಕೆ ಎಲ್ಲರಿಗಿಂತ ಮೊದಲು ನಾನೇ ವಿಷ್ ಮಾಡ್ಬೇಕು ಅಂತ ಕಾಯ್ತಾ ಇದ್ದೀನಿ. ಯಾಕೆ ಗೊತ್ತಾ? ನೀನು ಎಲ್ರಿಗಿಂತ ಸ್ಪೆಷಲ್. ನಾನು ಯಾರನ್ನಾದ್ರೂ ಒಂದುಸಲ ಹಚ್ಚಿಕೊಂಡ್ರೆ ಮುಗೀತು. ಅವರು ಶತ್ರುಗಳೇ ಆದರೂ, ಕಡೆಯತನಕ ಮರೆಯೋ ಮಾತೇ ಇಲ್ಲ.