ಹೆಡ್‌ –ಬುಷ್‌ಗೆ ಯೋಗಿ

ನಟ ಡಾಲಿ ಧನಂಜಯ್‌ ಅಭಿನಯದ “ಹೆಡ್‌ ಆ್ಯಂಡ್‌ ಬುಷ್‌’ ಚಿತ್ರದ ಚಿತ್ರೀಕರಣ ಭರದಿಂದ ಸಾಗಿದೆ. 70ರ ದಶಕದ ಬೆಂಗಳೂರು ಭೂಗತ ಲೋಕದ ಕಥಾಹಂದರ ಹೊಂದಿರುವ ಈ ಚಿತ್ರದಲ್ಲಿ ಭೂಗತ ಪಾತಕಿ ಜಯರಾಜ್‌ ಪಾತ್ರದಲ್ಲಿ ನಟ ಧನಂಜಯ್‌ ಕಾಣಿಸಿಕೊಳ್ಳುತ್ತಿದ್ದಾರೆ.

ಇನ್ನೊಂದು ವಿಶೇಷವೆಂದರೆ, ಈ ಚಿತ್ರದ ನಿರ್ಮಾಣದಲ್ಲಿ ಕೂಡ ನಟ ಧನಂಜಯ್‌ ಬಂಡವಾಳ ಹೂಡುವ ಮೂಲಕ ತೆರೆಹಿಂದೆ ನಿರ್ಮಾಪಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಈ ಚಿತ್ರಕ್ಕೆ ಮತ್ತೂಬ್ಬ ಹೊಸ ನಟನ ಆಗಮನವಾಗಿದೆ. ಅವರೇ ಲೂಸ್‌ಮಾದ ಯೋಗಿ.

ಹೌದು, “ಹೆಡ್‌ ಆ್ಯಂಡ್‌ ಬುಷ್‌’ ಚಿತ್ರದಲ್ಲಿ ನಟ ಯೋಗಿ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಈ ವಿಷಯವನ್ನು ಸ್ವತಃ ಯೋಗಿ ಅವರೇ ಬಹಿರಂಗಪಡಿಸಿದ್ದಾರೆ. ಅಂದ ಹಾಗೆ, “ಹೆಡ್‌ ಆ್ಯಂಡ್‌ ಬುಷ್‌’ನಲ್ಲಿ ಯೋಗಿ ಪಾತ್ರ ಏನು? ತೆರೆಮೇಲೆ ಯೋಗಿ ಹೇಗೆಕಾಣಾ¤ರೆ ಅನ್ನೋದನ್ನ ಸಿನಿಮಾ ರಿಲೀಸ್‌ ಆದಮೇಲೆ ನೋಡಬೇಕು.