ಯೋಗದ ಮೂಲ ನೇಪಾಳವೇ ಹೊರತು, ಭಾರತ ಅಲ್ಲ : ಒಲಿ ಪ್ರಲಾಪ!

ಕಠ್ಮಂಡು: ಯೋಗದ ಮೂಲ ನೇಪಾಳವೇ ಹೊರತು, ಭಾರತ ಅಲ್ಲ ಎಂದು ಅಲ್ಲಿನ ಉಸ್ತುವಾರಿ ಪ್ರಧಾನಿ ಕೆ.ಪಿ.ಶರ್ಮಾ ಒಲಿ ಹೇಳಿದ್ದಾರೆ.

ಯಾವತ್ತೂ ಅತಾರ್ಕಿಕ ಹೇಳಿಕೆಗಳನ್ನೇ ನೀಡುವ ಅವರು, ಯೋಗ ಯಾವ ದೇಶಕ್ಕೆ ಸೇರಿದ್ದು ಎನ್ನುವುದೇ ಮುಖ್ಯವಾಗಿದೆ. ಯೋಗ ಹುಟ್ಟಿದ ಹೊತ್ತಿನಲ್ಲಿ ಭಾರತದ ಅಸ್ತಿತ್ವವೇ ಇರಲಿಲ್ಲ. ಅದು ಛಿದ್ರಛಿದ್ರಗೊಂಡಿತ್ತು ಎಂದು ಹೇಳಿದ್ದಾರೆ.

ತಮ್ಮ ಮಾತುಗಳಿಗೆ ಅವರು ಸೂಕ್ತ ಸಾಕ್ಷ್ಯಗಳನ್ನು ನೀಡಿಲ್ಲ. ಕಳೆದ ವರ್ಷ ಜುಲೈನಲ್ಲಿ ಅವರು ಭಗವಾನ್‌ ಶ್ರೀರಾಮಚಂದ್ರನ ಜನನವಾಗಿದ್ದು ಭಾರತದ ಅಯೋಧ್ಯೆಯಲ್ಲಲ್ಲ, ನೇಪಾಳದ ಅಯೋಧ್ಯೆಯಲ್ಲಿ ಎಂದು ಲೇವಡಿಗೆ ಒಳಗಾಗಿದ್ದರು.

ಇದನ್ನೂ ಓದಿ :ಜುಲೈ ಅಂತ್ಯದೊಳಗೆ ಉಡುಪಿ ಜಿಲ್ಲೆಯ ಎಲ್ಲ ಶಾಲಾ ಮಕ್ಕಳ ಆರೋಗ್ಯ ತಪಾಸಣೆ : ಸಚಿವ ಬೊಮ್ಮಾಯಿ