Advertisement
ಸೋಗೆ ಕತ್ತರಿಸುವ ವಿಧಾನವನ್ನು ಅನು ಸರಿಸಿದ ಕೆಲವೇ ಮಂದಿ ಬೆಳೆಗಾರರ ಮಾತಿನ ಸಾರವಿದು. ಕಳೆದ ವರ್ಷವೇ ಸುಳ್ಯದ ಕೆಲವೆಡೆ ಎಲೆಚುಕ್ಕಿ ರೋಗ ಕಾಣಿಸಿತ್ತು. ಈ ಬಾರಿಯ ಮಳೆಗಾಲ ದಿಂದೀಚೆಗೆ ಹಲವು ತಾಲೂಕುಗಳಲ್ಲಿ ಉಲ್ಬಣಿ ಸಿದೆ. ಮೈಲುತುತ್ತು ಸೇರಿದಂತೆ ಹಲವು ವಿಧದ ಶಿಲೀಂಧ್ರ ನಾಶಕಗಳನ್ನು ಸಿಂಪಡಿಸಿದರೂ ಪರಿಹಾರ ಸಿಕ್ಕಿಲ್ಲ. ಹಾಗಾಗಿ ಸಿಪಿಸಿಆರ್‌ಐ ವಿಜ್ಞಾನಿಗಳ ಸಲಹೆಯಂತೆ ಕೆಲವೇ ರೈತರು ಧೈರ್ಯ ತೋರಿಸಿ ಅಡಿಕೆ ಮರದ ಸೋಗೆ ಕತ್ತರಿಸಲು ಮುಂದಾಗಿದ್ದಾರೆ.
Related Articles
Advertisement
ವೆಂಕಟಮುರಳಿ ಅವರೂ ಒಂದು ತಿಂಗಳ ಹಿಂದೆ ಈ ಪ್ರಯೋಗಕ್ಕೆ ಮುಂದಾಗಿದ್ದಾರೆ. 8 ಎಕ್ರೆಯಲ್ಲಿ ಅಡಿಕೆ ತೋಟ ಇರುವ ಅವರ ಒಂದು ಸಾವಿರ ಮರಗಳು ಎಲೆಚುಕ್ಕಿ ರೋಗ ಬಾಧಿತ. ಅವರು ಗಮನಿಸಿದಂತೆ 50 ಅಡಿಗಳಷ್ಟು ಎತ್ತರದ ಮರಗಳಿಗೆ ರೋಗ ಬಾಧೆ ತೀರಾ ಕಡಿಮೆ. ಎಡೆಸಸಿಗಳಿಗೆ, ಎಳೆಯ ಮರಗಳಿಗೆ ಜಾಸ್ತಿ. ಬಿಸಿಲಿರುವ ಜಾಗದಲ್ಲಿ ರೋಗ ಹರಡುವುದು ಬೇಗ. ಅವರೂ ಆರಂಭದಲ್ಲಿ ಹೆಕ್ಸಕೊನಾಜೋಲ್‌ ಎಂಬ ರಾಸಾಯನಿಕವನ್ನು ಅಂಟು ಜತೆಗೆ ಸಿಂಪಡಿಸಿ ನೋಡಿದ್ದಾರೆ. ಒಮ್ಮೆ ಶೇ. 30ರಷ್ಟು ನಿಯಂತ್ರಣಕ್ಕೆ ಬಂದರೂ ಮಳೆ ಆರಂಭವಾದ ಬಳಿಕ ರೋಗ ಮತ್ತೆ ಹಬ್ಬತೊಡಗಿತು.
ಕೊನೆಗೆ ಮರಗಳನ್ನು ಉಳಿಸಿಕೊಳ್ಳುವ ಯೋಜನೆಯಾಗಿ ಸೋಗೆ ಕತ್ತರಿಸಲು ಮುಂದಾದರು. ಕತ್ತರಿಸಿದ ಬಳಿಕ ಟೆಬ್ಯುಕನಾಜೋಲ್‌ ಸಿಂಪಡಿಸಿದ್ದರಿಂದ ಉತ್ತಮ ಫಲಿತಾಂಶ ಬಂದಿದೆ. ಸದ್ಯಕ್ಕೆ ರೋಗ ನಿಯಂತ್ರಣ ಆಗಿದೆ. ಆದರೆ ರೋಗ ಬಂದಿರದ ಬೇರೆ ಮರಗಳಲ್ಲಿ ಮತ್ತೆ ಎಲೆಚುಕ್ಕಿ ರೋಗ ಕಾಣಿಸತೊಡಗಿದೆ ಎನ್ನುತ್ತಾರೆ ಮುರಳಿ.
ಸದ್ಯಕ್ಕೆ ಇದುವೇ ಪರಿಹಾರಎಲೆಚುಕ್ಕಿ ರೋಗ ಬಾಧಿತ 42,504 ಹೆಕ್ಟೇರ್‌ ಪ್ರದೇಶದಲ್ಲಿ ಸೋಗೆ ಕತ್ತರಿಸುವ ಅಭಿಯಾನ ಕೈಗೊಳ್ಳುವುದಾಗಿ ತೋಟಗಾರಿಕೆ ಸಚಿವ ಮುನಿರತ್ನ ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಈಗಾಗಲೇ ಅದನ್ನು ಪಾಲಿಸುತ್ತಿರುವ ಕೆಲವು ಕೃಷಿಕರ ಅನುಭವಗಳನ್ನು ಸಂಗ್ರಹಿಸುವ ಪ್ರಯತ್ನವನ್ನು “ಉದಯವಾಣಿ’ ಮಾಡಿದೆ. ಈ ಸಮಸ್ಯೆಗೆ ಸರಿಯಾದ ಪರಿಹಾರ ಸಿಗುವ ವರೆಗೆ ಸೋಗೆ ಕತ್ತರಿಸುವುದೇ ಸೂಕ್ತ. ಮರ ಏರಿ ಅಡಿಕೆ ಕೊಯ್ಯುವ ರೀತಿಯಲ್ಲೇ ಸೋಗೆ ಯನ್ನು ಬುಡದಿಂದ ಕತ್ತರಿಸಬಹುದು ಅಥವಾ ಉದ್ದದ ಕಾರ್ಬನ್‌ ಫೈಬರ್‌ ದೋಟಿ ಬಳಸಿಯೂ ಕತ್ತರಿಸಬಹುದು. ಒಮ್ಮೆಗೆ ಅಡಿಕೆ ಫಸಲು ಕುಸಿಯುವುದು ಖಚಿತ, ಆದರೆ ಕನಿಷ್ಠ ಮರಗಳನ್ನಾದರೂ ಉಳಿಸಿಕೊಳ್ಳಬಹುದು ಎನ್ನುವುದು ಈ ರೈತರ ಮಾತಿನ ಸಾರ. ಅಡಿಕೆ ಸೋಗೆ ಕತ್ತರಿಸಿದಾಗ ಅರ್ಧದಷ್ಟು ಶಿಲೀಂಧ್ರ ಇಲ್ಲವಾಗುತ್ತದೆ, ಬಳಿಕ ಸಿಂಪಡಣೆಗೆ ಕಡಿಮೆ ಔಷಧ ಸಾಕಾಗುತ್ತದೆ ಹಾಗೂ ಹೆಚ್ಚು ಪರಿಣಾಮಕಾರಿ ಕೂಡ. ಸಿಪಿಸಿಆರ್‌ಐ ವಿಜ್ಞಾನಿಗಳೂ ಅದನ್ನೇ ಹೇಳಿ ದ್ದಾರೆ. ಆದರೂ ಇದು ಹೆಚ್ಚು ಶ್ರಮ ಬೇಕಾ ಗುವುದ ರಿಂದ ಇನ್ನೂ ಹೆಚ್ಚು ಮಂದಿ ರೈತರು ಬಳಸಿಲ್ಲ.
-ಎಚ್‌.ಆರ್‌. ನಾಯಕ್‌, ಜಂಟಿ ನಿರ್ದೇಶಕರು, ತೋಟಗಾರಿಕಾ ಇಲಾಖೆ - ವೇಣುವಿನೋದ್‌ ಕೆ.ಎಸ್‌.