Yellapur: ಚಾಲಕನ ನಿಯಂತ್ರಣ ತಪ್ಪಿ ಉರುಳಿ ಬಿದ್ದ ಲಾರಿ

ಯಲ್ಲಾಪುರ: ಚಾಲಕನ ನಿಯಂತ್ರಣ ತಪ್ಪಿ ಕಬ್ಬಿಣದ ವಸ್ತು ಸಾಗಿಸುತ್ತಿದ್ದ ಲಾರಿ ಹಳ್ಳದ ಪಕ್ಕ ಗಟಾರದಲ್ಲಿ ಉರುಳಿ ಬಿದ್ದ ಘಟನೆ ಅ.18ರ ಶುಕ್ರವಾರ ರಾಷ್ಟ್ರೀಯ ಹೆದ್ದಾರಿ 63 ರಲ್ಲಿ ಬಳಗಾರ ಕ್ರಾಸ್ ಬಳಿ ನಡೆದಿದೆ.

ಯಲ್ಲಾಪುರ ಕಡೆಯಿಂದ ಅಂಕೋಲಾ ಕಡೆಗೆ ಹೊರಟಿದ್ದ ಲಾರಿ, ಆರತಿಬೈಲ್ ಇಳಿಜಾರಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಬಿದ್ದಿದ್ದು, ಲಾರಿ ಜಖಂ ಆಗಿದೆ.

ಚಾಲಕ ಹಾಗೂ ನಿರ್ವಾಹಕ ಅಪಾಯದಿಂದ ಪಾರಾಗಿದ್ದಾರೆ. ಸ್ವಲ್ಪದರಲ್ಲಿ ದೊಡ್ಡ ಅನಾಹುತ ತಪ್ಪಿದೆ. ಸ್ವಲ್ಪ ಮುಂದೆ 50 ಅಡಿ ಕಂದಕದಲ್ಲಿ ಹಳ್ಳವಿದ್ದು ಅದೃಷ್ಟವಶಾತ್ ಈ ಲಾರಿ ಅದಕ್ಕೂ ಹಿಂದೆ ಬಿದ್ದು ಮುಂದಾಗುವ ಸಾವು ನೋವು ತಪ್ಪಿದೆ.

ಈ ತಿರುವಿನಲ್ಲಿ ಪದೇ ಪದೇ ಅಪಘಾತ ಸಂಭವಿಸುತ್ತಿದೆ.