ದಿಲ್ಲಿ ರಣಜಿ ತಂಡಕ್ಕೆ ಯಶ್‌ ಧುಲ್‌ ಸೇರ್ಪಡೆ

ಹೊಸದಿಲ್ಲಿ: ಅಂಡರ್‌-19 ಏಕದಿನ ವಿಶ್ವಕಪ್‌ ವಿಜೇತ ತಂಡದ ನಾಯಕ ಯಶ್‌ ಧುಲ್‌ ಈ ಯಶಸ್ಸಿನ ಬೆನ್ನಲ್ಲೇ ದಿಲ್ಲಿ ರಣಜಿ ತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ. ಇದೇ ವೇಳೆ ಹಿರಿಯ ವೇಗಿ ಇಶಾಂತ್‌ ಶರ್ಮ ತಂಡದ ಆಯ್ಕೆಗೆ ಲಭ್ಯರಿಲ್ಲ ಎಂದಿದ್ದಾರೆ.

ಭಾರತದ ಕಿರಿಯರ ತಂಡದ ಅತ್ಯಂತ ಯಶಸ್ವಿ ನಾಯಕನಾಗಿ ಗುರುತಿಸಲ್ಪಟ್ಟಿರುವ ಯಶ್‌ ಧುಲ್‌, ಕಳೆದ ಅಂಡರ್‌-19 ವಿಶ್ವಕಪ್‌ನಲ್ಲಿ 76.33 ಸರಾಸರಿಯಲ್ಲಿ 229 ರನ್‌ ಪೇರಿಸಿದ್ದರು. ಒಂದು ಶತಕ ಹಾಗೂ ಅರ್ಧ ಶತಕ ಇದರಲ್ಲಿ ಸೇರಿದೆ.

ಟೀಮ್‌ ಇಂಡಿಯಾವನ್ನು ಪ್ರತಿನಿಧಿಸುತ್ತಿರುವ ನವದೀಪ್‌ ಸೈನಿ ಕೂಡ ದಿಲ್ಲಿ ತಂಡದಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರದೀಪ್‌ ಸಂಗ್ವಾನ್‌ ನಾಯಕರಾಗಿದ್ದಾರೆ.