Advertisement
ತೃಪ್ತಿದಾಯಕ ಫಲಿತಾಂಶ: 2018ರ ಎಸ್ಸೆಸ್ಸೆಲ್ಸಿ ವಾರ್ಷಿಕ ಪರೀಕ್ಷೆಯಲ್ಲಿ 12,776 ವಿದ್ಯಾರ್ಥಿಗಳು ಪರೀಕ್ಷೆ ಬರೆದು ಇವರಲ್ಲಿ ಕೇವಲ 4,734 ವಿದ್ಯಾರ್ಥಿಗಳು ಉತ್ತೀರ್ಣರಾಗಿ ಜಿಲ್ಲೆಯ ಫಲಿತಾಂಶ ಶೇ.37.05 ಲಭಿಸಿ ರಾಜ್ಯದಲ್ಲಿ 34ನೇ ಸ್ಥಾನ ಪಡೆದಿರುವುದು ಕಳೆದ 10 ವರ್ಷಗಳಲ್ಲಿಯೇ ಅತ್ಯಂತ ಕಳಪೆ ಸಾಧನೆಯಾಗಿತ್ತು. ಈ ಬಾರಿ ಶೇ.53.95 ಫಲಿತಾಂಶ ಲಭಿಸಿದ್ದು, ಕಳೆದ ಬಾರಿಗೆ ಹೋಲಿಸಿದರೆ ತೃಪ್ತಿದಾಯಕವಾಗಿದೆ.
Related Articles
Advertisement
ವಿಷಯವಾರು ಪರಿಣಿತ ಶಿಕ್ಷಕರಿಂದ ವಿದ್ಯಾರ್ಥಿಗಳು ಸರಳವಾಗಿ ಉತ್ತೀರ್ಣರಾಗುವಂತೆ ಯೋಜನೆ ರೂಪಿಸಿ, ತಯಾರಿಸಿದ ಪುಸ್ತಕವನ್ನಷ್ಟೇ ಓದಿಕೊಂಡರೆ ಸಾಕು ವಿದ್ಯಾರ್ಥಿಗಳು 40ರಿಂದ 45 ಅಂಕ ಪಡೆಯುವ ಯೋಜನೆಯೊಂದನ್ನು ರೂಪಿಸಿದ್ದರ ಫಲವಾಗಿಯೇ ಹೆಚ್ಚಿನ ವಿದ್ಯಾರ್ಥಿಗಳು ಉತ್ತೀರ್ಣರಾಗಲು ಕಾರಣ ಎನ್ನುತ್ತಿವೆ ಶಿಕ್ಷಣ ಇಲಾಖೆ ಮೂಲಗಳು.
ಫಲಿತಾಂಶ ಪ್ರಮಾಣ ಹಾವು-ಏಣಿಯಾಟ: ಈ ಹಿಂದಿನಿಂದ ಜಿಲ್ಲೆಯ ಫಲಿತಾಂಶ ಮೇಲೆ ನೋಟ ಹರಿಸಿದಾಗ ಫಲಿತಾಂಶವು ಹಾವು-ಏಣಿಯಾಟದಂತೆ ಏರಿಕೆ ಮತ್ತು ಇಳಿಕೆಯಾಗಿರುವುದು ಕಂಡು ಬಂದಿದೆ. 2009-10ರಲ್ಲಿ ಶೇ.56.45 ಫಲಿತಾಂಶ ಲಭಿಸಿ ಜಿಲ್ಲೆಯು ರಾಜ್ಯದಲ್ಲಿ 32ನೇ ಸ್ಥಾನ ಪಡೆದುಕೊಂಡಿತ್ತು, 2010-11ರಲ್ಲಿ ಶೇ.78.89 ಫಲಿತಾಂಶ ಬಂದಿದ್ದು 28ನೇ ಸ್ಥಾನಕ್ಕೇರಿತ್ತು. 2011-12ರಲ್ಲಿ ಪುನಃ ಶೇಕಡಾವಾರು ಫಲಿತಾಂಶ ಶೇ.69.79 ಇಳಿಕೆಯಾಗಿ 33ನೇ ಸ್ಥಾನ ಕಾಯಂಗೊಳಿಸಿಕೊಂಡಿತ್ತು.
ಬಳಿಕ 2012-13ರಲ್ಲಿ ಶೇ.78.48 ಫಲಿತಾಂಶ ಬಂದು 28ನೇ ಸ್ಥಾನಕ್ಕೇರಿತ್ತು, ಇದಾದ ಮೇಲೆ 2013-14ರ ವಾರ್ಷಿಕ ಪರೀಕ್ಷೆ ಫಲಿತಾಂಶ ಶೇ.86.55 ದಾಖಲಾಗಿ ಒಮ್ಮೆ 11 ಸ್ಥಾನಕ್ಕೇರಿ ಅಚ್ಚರಿ ಮೂಡಿಸಿತ್ತು. ಅದರಂತೆ 2014-15ರಲ್ಲಿ ಶೇ.85.06, 2015-16ರಲ್ಲಿ ಶೇ. 69.51 ಮತ್ತು 2016-17ರಲ್ಲಿ ಶೇ.74.84 ಫಲಿತಾಂಶವಾಗಿ 16ನೇ ಸ್ಥಾನಕ್ಕೇರಿತ್ತು.